Ahmedabad Plane Crash Ali Family : 2 दिवसापासून चक्रा मारतोय...आमच्या चिमुकल्यांचा मृतदेह दाखवा

Ahmedabad Plane Crash Ali Family : 2 दिवसापासून चक्रा मारतोय...आमच्या चिमुकल्यांचा मृतदेह दाखवा

अहमदाबादमधील एअर इंडियाच्या विमान अपघातामध्ये (Gujarat Air India Airplane Crash) मुंबईतील गोरेगावमधील अली कुटुंबावर काळाचा घाला झाला. या विमान दुर्घटनेत जावेद अली (Javed Ali) यांच्यासह त्यांची पत्नी आणि दोन मुलांचा मृत्यू झाला. अली कुटुंब आईच्या ऑपरेशनसाठी मुंबईत आले होते आणि ते लंडनला परतताना हा अपघात झाला.

अहमदाबादच्या कसोटी भवन या ठिकाणी जिथे डीएनए टेस्ट प्रक्रिया पार पडते, तिथे मृतांच्या नातेवाईकांकडून संयम सुटताना पाहायला मिळतोय. विमान दुर्घटनेला 40 तास घटनेला होऊन गेले. मात्र अजूनही अपघातामध्ये मृत झालेल्या प्रवाशांच्या मृतदेहाबद्दल रुग्णालय प्रशासनाकडून माहिती दिली जात नाहीय. शिवाय मृतदेहांची ओळख पटत नाहीय, असा आरोप जावेद अली यांच्या कुटुंबीयांनी केला आहे. तसेच आमच्या मुलांचे मृतदेह कुठे आहेत?, असा सवाल जावेद अली यांच्या कुटुंबीयांनी उपस्थित केलाय. जावेद अली यांच्या कुटुंबीयांसोबत एबीपी माझाने संवाद साधला, त्यावेळी त्यांनी विविध सवाल उपस्थित केले.