Ahmedabad Blast: अहमदाबाद स्फोट, एका खटल्यात 38 जणांना फाशीची पहिलीच वेळ ABP Majha

अहमदाबाद बॉम्बस्फोट प्रकरणात तब्बल ३८ दोषींना न्यायालयानं आज फाशीची शिक्षा सुनावली. इतिहासात एकाच वेळी इतक्या जणांना फाशीची शिक्षा सुनावण्याची ही पहिलीच वेळ आहे. अहमदाबादमधील न्यायालयानं ४९ आरोपींना दोषी ठरवलं होतं. त्यातल्या ३८ जणांना फाशीची शिक्षा सुनावण्यात आलीय. तर ११ दोषींना जन्मठेपेची शिक्षा सुनावली आहे. २६ जुलै २००८ साली अहमदाबादमध्ये तासाभरात २१ बॉम्बस्फोट झाले होते. या प्रकरणात १३ वर्षांनी न्यायालयाचा निकाल आलाय.