Bhandara Gosikhurd Dam: गोसीखुर्द धरणाचे 9 दरवाजे उघडले; नागरिकांना सतर्कतेचा इशारा

Bhandara Gosikhurd Dam: गोसीखुर्द धरणाचे 9 दरवाजे उघडले; नागरिकांना सतर्कतेचा इशारा भंडारा जिल्ह्यातील गोसीखुर्द धरणाच्या पाणलोट क्षेत्रात पावसानं हजेरी लावली आहे. परिणामी, धरणाचे 9 गेट अर्धा मीटरनं उघडली असून त्यातून 41 हजार 984 क्युसेस वेगानं पाण्याचा विसर्ग करण्यात येत आहे. धरणाची पाणी पातळी नियंत्रणात ठेवण्यासाठी काल धरणाचे सर्व गेट 10 तासांसाठी बंद करण्यात आले होते, मात्र काही ठिकाणी पावसानं हजेरी लावल्यानं वैनगंगा नदीच्या पाण्याच्या पातळीत वाढ झाल्यानं पुन्हा 9 गेट सुरू करून पाण्याचा विसर्ग सुरु करण्यात आला आहे. त्यामुळं नदी काठांवरील नागरिकांनी सतर्क राहावं, असं आवाहन प्रशासनानं केलं आहे.