Special Report : बल्क ड्रग पार्क प्रकल्प गुजरातकडे का गेला?,महाराष्ट्राशी बोलणी गुजरातशी हातमिळवणी ?

महाराष्ट्रात येऊ घातलेला तब्बल दीड लाख कोटी रुपयांची गुंतवणूक करण्याची शक्यता असणारा वेदांता-फॉक्सकॉन प्रकल्प गुजरातला गेल्यामुळं शिवसेना नेते आदित्य ठाकरे यांनी शिंदे-फडणवीस सरकारविरोधात आधीच तीव्र नाराजी व्यक्त केली होती. त्या वेदांता-फॉक्सकॉन प्रकल्पापाठोपाठ रायगडमधील बल्क ड्रग पार्क प्रकल्पही महाराष्ट्राबाहेर गेल्याचा आरोप आदित्य ठाकरेंनी केला आहे. मुख्यमंत्री एकनाथ शिंदे आणि राज्याचे उद्योगमंत्री उदय सामंत यांना हा विषयच माहित नसल्याचा दावा आदित्य यांनी केला आहे. फॉक्सकॉनप्रकरणी शिंदे-फडणवीस सरकार आधीच कोंडीत सापडलेलं असताना, आता बल्क ड्रग पार्क प्रकल्पाचा नवा वाद या सरकारसमोर उभा ठाकला आहे.