Mumbai Marathi Issue Special Report : मुंबईत मराठी अस्मितेवर घाला? 24 तासातदोन घटना!

मुंबई: लोकसभा निवडणुकीच्या प्रचाराच्या निमित्ताने ईशान्य मुंबईत (North East Lok Sabha Constituency)  मराठी विरुद्ध गुजराती असा वाद (Marathi VS Gujarati) पाहायला मिळतोय. ठाकरे गटाच्या मराठी पदाधिकाऱ्यांना गुजराती रहिवासी राहत असलेल्या सोसायटीमध्ये प्रचार करण्यास थांबवण्यात आल्याचा आरोप ठाकरे गटानं केला. रविवारी संध्याकाळच्या सुमारास ठाकरे गटाचे पदाधिकारी घाटकोपर पश्चिम भागांत प्रचार करत होते. मात्र या भागातील गुजराती रहिवासी असलेल्या समर्पण सोसायटीमध्ये ठाकरे गटाचे पदाधिकारी जात असताना त्यांना थांबवलं आणि आत प्रचार करु नका असं सांगितल्याचा आरोप करण्यात आला आहे. तर अशा प्रकारचा गुजराती आणि मराठी वाद काही नसल्याचं स्पष्टीकरण भाजपकडून देण्यात आलं.