Abdul Sattar Mahashivratri : देवदर्शनाला आला 'मित्र', भाजपनं शिंपडलं गोमूत्र! Special Report

कबीरा कुंआ एक हैं, पानी भरैं अनेक।
बर्तन में ही भेद है, पानी सबमें एक॥
संत कबीर यांनी रचलेला हा दोहा... आणि याचा अर्थ आहे, भांड्याप्रमाणे धर्म जरी वेगवेगळे असले तरी सर्वांना पाणी देणारी विहीर म्हणजे ईश्वर एकच आहे.. हा दोहा आठवण्यामागचं कारण म्हणजे छत्रपती संभाजीनगरमध्ये घडलेली घटना... शिवसेना हा भाजपचा सत्तेतला मित्रपक्ष.. त्याच शिवसेनेचे आमदार अब्दुल सत्तार यांनी महाशिवरात्रीला मंदिरात जाऊन भोलेनाथाचं दर्शन घेतलं. मात्र भाजपला ही गोष्ट पटली नाही आणि भाजपनं चक्क मंदिरात गोमूत्र शिंपडलं..  भाजपची ही कृती वादाच्या भोवऱ्यात सापडली असून त्यावरून राजकीय तांडव सुरू झालंय.. पाहुयात त्यासंदर्भातला हा रिपोर्ट

छत्रपती संभाजीनगरच्या भाजप कार्यकर्त्यांची कृती कायद्याला,  महाराष्ट्राच्या संस्कृतीला आणि हे विश्वची माझे घर म्हणणाऱ्या संत परंपरेला धरून आहे का?

या प्रश्नाचं उत्तर भाजपश्रेष्ठींनी शोधलं पाहिजे...

आणि जर या प्रश्नाचं उत्तर नाही असं असेल, तर गोमूत्र शिंपडणाऱ्या कार्यकर्त्यांच्या डोक्यात सर्वधर्म समभावाच्या विचाराचं  आणि खरा तो एकची धर्माचं शिंपण नक्कीच करायला हवं