Varsha Gaikwad Mumbai :महाबोधी विहार बौद्धांच्या ताब्यात द्या, आझाद मैदानावर विविध पक्षांची मागणी

बोधगया (Bodh Gaya) येथील महाबोधी महाविहार (Mahabodhi Mahavihar) बौद्ध समाजाच्या ताब्यात देण्याच्या मागणीसाठी मुंबईतील आझाद मैदानावर (Azad Maidan) विविध रिपब्लिकन गट आणि पक्षांनी एकत्र येत मोर्चा काढला. या आंदोलनात केंद्रीय मंत्री रामदास आठवले (Ramdas Athawale), खासदार वर्षा गायकवाड (Varsha Gaikwad) आणि आमदार संजय बनसोडे (Sanjay Bansode) यांच्यासह अनेक प्रमुख नेते सामील झाले. आंदोलकांनी म्हटले आहे की, 'मला अपेक्षा आहे की देशाचे प्राइम मिनिस्टर जे आहेत हे आता ह्यांनी मला वाटतंय ह्या विषयाबद्दल लक्ष घालावं कारण हा पक्षाचा प्रश्न नाहीये हा पक्षाच्या वर जाऊन जो आहे, तो समाजाचा प्रश्न आहे, लोकांच्या भावनांचा प्रश्न आहे.' गेल्या वर्षभरापासून देशभरात हे आंदोलन सुरू असून, तथागत बुद्धांना ज्ञानप्राप्ती झालेल्या पवित्र स्थळाचे व्यवस्थापन पूर्णपणे बौद्ध समाजाकडे सोपवावे, ही यामागची प्रमुख मागणी आहे. या मागणीसाठी अनेक रिपब्लिकन गट आपापसातील मतभेद विसरून एकत्र आल्याचे दिसून आले.