Paytm : 'पेटीएम अॅप' 29 फेब्रुवारीनंतरही सुरु राहणार, सीईओ विजय शर्मा यांची माहिती
Paytm : पेटीएम अॅप हे 29 फेब्रुवारीनंतरही सुरु राहणार असल्याची माहिती कंपनीचे सीईओ विजय शर्मा यांनी याबाबत माहिती दिलीये.
मुंबई : पेटीएम बँकेला (Paytm Bank) नुकतंच भारतीय रिझर्व्ह बँकेने अर्थातच आरबीआयकडून निर्देश देण्यात आलेत. या निर्देशांबाबत प्रतिक्रिया देत पेटीएमचे संस्थापक आणि सीईओ विजय शेखर यांनी याबाबत भाष्य करत पेटीएम युजर्सना अत्यंत महत्त्वपूर्ण माहिती दिलीये. तसेच त्यांनी आश्वासन देत, पेटीएम अॅप हे 29 फेब्रुवारीनंतरही सुरु राहणार असल्याचं सांगितलं आहे. विजय शेखर शर्मा यांनी ट्विटमध्ये म्हटले आहे, ''प्रत्येक पेटीएमरला सांगू इच्छितो की, तुमचे आवडते ॲप कार्यरत आहे आणि 29 फेब्रुवारीनंतर देखील कार्यरत राहिल. तुमच्या अविरत पाठिंब्यासाठी मी आणि प्रत्येक पेटीएम टीम सदस्य तुमचे आभार मानतो'
त्यांनी ट्विटमध्ये पुढे म्हटले आहे की, ''प्रत्येक आव्हानासाठी सोल्यूशन असते आणि आम्ही सर्व नियमांनुसार देशातील आमच्या युजर्सना सेवा देण्यासाठी कटिबद्ध आहोत. भारताला आर्थिक सेवांमधील पेमेंट नाविन्यता आणि सर्वसमावेशकतेसाठी जागतिक मान्यता मिळत राहतील, ज्यामध्ये पेटीएमकरो सर्वात मोठे चॅम्पियन ठरेल. तसेच आरबीआयच्या निर्देशानंतर पेटीएम युजर्सना चिंता करण्याची गरज नाही. कारण यामध्ये म्हटलं आहे की, पेटीएम अॅप हे सुरु आहे आणि ते सुरु आहे.
To every Paytmer,
— Vijay Shekhar Sharma (@vijayshekhar) February 2, 2024
Your favourite app is working, will keep working beyond 29 February as usual.
I with every Paytm team member salute you for your relentless support. For every challenge, there is a solution and we are sincerely committed to serve our nation in full…
पेटीएमच्या सेवा राहणार सुरु
पेटीएमद्वारे देण्यात येणाऱ्या बहुतांश सेवा विविध बँकांसोबत सहयोगाने असल्यामुळे पेटीएम आणि त्यांच्या सेवा 29 फेब्रुवारीनंतरही सुरु राहतील. पेटीएमद्वारे देण्यात येणाऱ्या बहुतांश सेवा विविध बँकांसोबत (सहयोगी बँकासह) सहयोगाने असल्यामुळे पेटीएम आणि त्यांच्या सेवा 29 फेब्रुवारीनंतर देखील कार्यरत राहतील. तसेच आरबीआयने पेटीएमला सांगितले आहे की, युजर्सची बचत खाती, वॉलेट्स, फास्टटॅग्स आणि एनसीएमसी खात्यांमधील जमा रकमेवर काहीच परिणाम होणार नाही आणि ते विद्यमान शिल्लक रकमेचा वापर करणे सुरू ठेवू शकतात. पेटीएमच्या सहयोगी बँकेबाबत नुकतेच आरबीआयने सादर केलेल्या निर्देशांचा पेटीएम मनी लिमिटेडच्या (पीएमएल) कार्यसंचालनांवर किंवा इक्विटी, म्युच्युअल फंड किंवा एनपीएसमधील ग्राहकांच्या गुंतवणूकांवर कोणताच परिणाम होणार नाही.
पेटीएमच्या इतर आर्थिक सेवा जसे कर्ज वितरण आणि विमा वितरण कोणत्याही प्रकारे त्यांच्या सहयोगी बँकेशी संबंधित नाहीत आणि नेहमीप्रमाणे कार्यरत राहतील. पेटीएमच्या ऑफलाइन पेमेंट नेटवर्क ऑफरिंग्ज जसे पेटीएम क्यूआर, पेटीएम साऊंडबॉक्स, पेटीएम कार्ड मशिन नेहमीप्रमाणे कार्यरत राहतील, जेथे त्यामध्ये नवीन ऑफलाइन मर्चंट्सना देखील ऑनबोर्ड करता येऊ शकते. पेटीएम अॅपवरील मोबाइल रिचार्जेस्, सबस्क्रिप्शन्स आणि इतर रिकरिंग पेमेंट्स कार्यरत राहतील.
ही बातमी वाचा :
Paytm च्या कोणत्या सेवा 29 फेब्रुवारीनंतरही सुरु राहणार? जाणून घ्या सविस्तर
महत्त्वाच्या बातम्या
