UAE vs NED, T20 WC : रोमहर्षक सामन्यात नेदरलँडचा युएईवर तीन विकेट्सनी विजय, अखेरच्या षटकापर्यंत रंगतदार झाला सामना

UAE vs NED, T20 WC 2022 : टी20 वर्ल्डकपला आता सुरुवात झाली असून नुकत्याच झालेल्या नेदरलँड विरुद्ध युएई सामन्यात नेदरलँडने 3 विकेट्सच्या फरकाने युएईवर रोमहर्षक असा विजय मिळवला. विशेष म्हणजे अखेरपर्यंत हा सामना चुरशीचा झाला.

UAE vs NED

T20 World Cup 2022 : ऑस्ट्रेलियामध्ये सुरु झालेल्या टी20 विश्वचषक 2022 (T20 World Cup 2022) स्पर्धेतील दुसऱ्याच सामन्यात नेदरलँड संघाने युएईवर (NED vs UAE) तीन गडी राखून विजय मिळवला आहे. विशेष म्हणजे अत्यंत चुरशीच्या आणि रंगतदार सामन्यात अखेरच्या षटकपर्यंत चुरस दिसून आली, केवळ दोन चेंडू शिल्लक असताना नेदरलँडने विजय मिळवला. ज्यामुळे युएईचं विजयाचं स्वप्न भंगलं पण नेदरलँडनं स्पर्धेची विजयी सुरुवात केली आहे. प्रथम फलंदाजी करताना युएईने नेदरलँडला विजयासाठी 112 धावांचे लक्ष्य दिले. माफक लक्ष्य असतानाही नेदरलँडचा संघ हे पूर्ण करण्यासाठी बरीच धडपड करताना दिसला, पण अखेर दोन चेंडू शिल्लक असताना विजयी धाव घेत 7 विकेट्सने नेदरलँडने विजय मिळवला.

An incredible opening day of the #T20WorldCup comes to an end 🔥

Netherlands cross the finish line in yet another thrilling contest!#UAEvNED |📝 https://t.co/sD75sGYNF1 pic.twitter.com/Kh8yIBhSeJ

— ICC (@ICC) October 16, 2022

सर्वात आधी नाणेफेक जिंकत युएई संघाने प्रथम फलंदाजी करण्याचा निर्णय घेतला. पण नेदरलँड संघाने कसून गोलंदाजी करत जास्त हात खोलण्याची संधी युएईच्या फलंदाजांना दिली नाही. सलामीवीर मुहम्मद वसीमने मात्र 41 धावांची एकहाती झुंज दिल्यामुळे संघाने 100 धावांचा आकडा ओलांडला. याशिवाय काशिफ आणि अरविंद यांनी अनुक्रमे 15 आणि 18 धावाचं योगदान दिलं. इतर खेळाडू दुहेरी संख्याही गाठू शकले नाही. ज्यामुळे अखेर 20 षटकांत 8 गडी गमावून युएईचा संघ 111 धावा करु शकला. 

अखेरच्या षटकापर्यंत रंगदार झाला सामना

ज्यानंतर नेदरलँडचा संघ 112 धावा करण्यासाठी मैदानात उतरला. विशेष म्हणजे नेदरलँडच्या एकाही फलंदाजांने लक्षणीय कामगिरी केली नाही पण सांघिक कामगिरीच्या जोरावर त्यांनी कसंबसं 112 धावांचं लक्ष्य गाठलं आणि 3 गडी 1 चेंडू राखून विजय मिळवला. युएईच्या संघाकडून मॅक्स ओडेवडने सर्वाधिक 23 रन केले. अगदी अखेरच्या षटकापर्यंत सामना रोमहर्षक झाला. शेवटच्या ओव्हरमध्ये 6 बॉलमध्ये 6 रन हवे असतानाही नेदरलँडला 6 धावा करण्यासाठी 5 बॉल खेळावे लागले. ज्यानंतर अखेर  पाच चेंडू खेळून 3 गडी 1 चेंडू राखून नेदरलँडचा संघ सामना जिंकला. नेदरलँडच्या बॅस डी लीडने गोलंदाजीत 3 विकेट घेतल्या तर 14 धावाही केल्या, ज्यामुळे त्याला सामनावीर म्हणून गौरवण्यात आलं.

हे देखील वाचा-