IND vs NED, Head to Head : पहिल्यांदाच टी20 फॉर्मेटमध्ये भारत-नेदरलँड आमने-सामने, वनडे मध्ये कोणाचं पारडं जड?
IND vs NED T20 : भारतीय क्रिकेट संघ आणि नेदरलँड दोघेही आज पहिल्यांदाच टी20 सामना खेळणार असून याआधी एकदिवसीय सामन्यांमध्ये आमने-सामने आले आहेत.
India vs Netherlands, T20 Record : भारत-नेदरलँड (India vs netherlands) भारत आणि नेदरलँड यांच्यात टी-20 विश्वचषक स्पर्धेतील 23 वा सामना रंगणार आहे. याआधी भारताने पाकिस्तानला रोमहर्षक सामन्यात पराभूत केले होते. ज्यानंतर टीम इंडिया आता दुसऱ्या विजयासाठी उत्सुक आहे. विशेष म्हणजे नेदरलँड यंदा चांगल्या फॉर्मात असून त्यांनी दोन सामने जिंकले आहेत. तर भारतानेही विजयाने सुरुवात केल्याने एक रंगतदार सामना आज पाहायला मिळू शकतो. त्यात आजवर भारत आणि नेदरलँड दोघेही एकदिवसीय सामन्यात आमने-सामने आले असले तरी टी20 फॉर्मेटमध्ये दोन्ही संघाचा एकमेंकाविरुद्ध आजचा पहिलाच सामना असेल...तर या सामन्यापूर्वी दोघांचा वनडे मधील रेकॉर्ड कसा आहे पाहूया...
नेदरलँड आणि भारत यांच्यात आजवर फक्त दोनच सामने झाले असून हे दोन्ही सामने टीम इंडियाने जिंकले आहेत. या दोन्ही संघांनी आधी फेब्रुवारी 2003 मध्ये पहिला सामना खेळला होता. या सामन्यात टीम इंडियाने 68 धावांनी विजय मिळवला. तर दुसरा सामना मार्च 2011 मध्ये झाला होता. भारताने हा सामना 5 विकेट्सनी जिंकला. ज्यानंतर आज दोघेही पहिलाच टी20 सामना ते देखील टी20 विश्वचषकाच्या सुपर 12 फेरीमध्ये खेळत आहेत.
कसे आहेत टी20 विश्वचषक 2022 साठी दोन्ही संघ?
भारतीय संघ
रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत (विकेटकीपर), दिनेश कार्तिक (विकेटकीपर), हार्दिक पांड्या, आर अश्विन, युजवेंद्र चहल, अक्षर पटेल, मोहम्मद शमी, भुवनेश्वर कुमार, हर्षल पटेल, अर्शदीप सिंह
राखीव खेळाडू : मोहम्मद सिराज, श्रेयस अय्यर, रवी बिश्नोई, शार्दूल ठाकूर
नेदरलँड्सचा संघ
स्कॉट एडवर्ड्स (कर्णधार/ विकेटकिपर), विक्रमजीत सिंह, मॅक्स ओडॉड, बास डी लीडे, कॉलिन अकरमन, टॉम कूपर, टिम प्रिंगल, लोगन व्हॅन बीक, शरीझ अहमद, फ्रेड क्लासेन, पॉल व्हॅन मीकरेन, रोएलॉफ व्हॅन डर मर्वे, टिम व्हॅन डर गुगटेन , स्टीफन मायबर्ग, तेजा निदामनुरु, ब्रॅंडन ग्लोव्हर.
अशी असू शकते भारताची अंतिम 11सलामीवीर - रोहित शर्मा, केएल राहुल
मिडिल ऑर्डर फलंदाज - विराट कोहली, सूर्यकुमार यादव, ऋषभ पंत, दिनेश कार्तिक,
ऑलराउंडर- अक्षर पटेल
गोलंदाज - अर्शदीप सिंह, भुवनेश्वर कुमार, मोहम्मद शमी आणि युजवेंद्र चहल
हे देखील वाचा-
महत्त्वाच्या बातम्या
