Pro Kabaddi : रोमांचक सामन्यात बेंगलुरु बुल्सकडून यू मुंबा पराभूत

प्रो कबड्डी लीग 2019 स्पर्धेत आज यू मुंबा विरुद्ध बेंगलुरु बुल्समध्ये सामना रंगला. रोमांचक सामन्यात बेंगलुरु बुल्सने यू मुंबाला 30-26 अशा फरकाने पराभूत केले.

नवी दिल्ली : प्रो कबड्डी लीग 2019 स्पर्धेत आज यू मुंबा विरुद्ध बेंगलुरु बुल्समध्ये सामना रंगला. रोमांचक सामन्यात बेंगलुरु बुल्सने यू मुंबाला 30-26 अशा फरकाने पराभूत केले. या विजयासह बेंगलुरु बुल्सने स्पर्धेच्या या पर्वातील दुसरा विजय साकारला. तसेच गतवर्षीच्या या विजेत्या संघाने गुणतालिकेत चौथ्या स्थानावर झेप घेतली आहे. दुसऱ्या बाजूला आजच्या सामन्यात पराभतू झालेल्या यू मुंबाला केवळ एक गुण मिळाला. यू मुंबाच्या खात्यात आता 11 गुण जमा झाले आहेत. 11 गुणांसह यू मुंबा गुणतालिकेत सातव्या स्थानावर फेकली गेली आहे. सामन्याच्या पहिल्या सत्रात बेंगलुरु बुल्स संघ यू मुंबापेक्षा 13-11 ने पुढे होता. पहिल्या सत्रात दोन्ही संघांकडे विरुद्ध संघाला ऑल आऊट करण्याची संधी होती. परंतु दोन्ही संघांच्या दमदार खेळांडूनी आपल्या संघांना ऑल आऊट होण्यापासून वाचवलं. दोन्ही संघांचे रेडर्स (चढाई करणारे) तुल्यबळ होते. दोन्ही संघांच्या रेडर्सनी प्रत्येकी 15 पॉईंट्स कमावले. तर टॅकल (बचाव)पॉईंट्स मिळवण्यात मुंबाचे खेळाडू थोडे कमी पडले. बेंगलुरु बुल्सने 8 टॅकल पॉईंट्स कमावले तर मुंबाच्या खेळाडूंना केवळ 4 टॅकल पॉईंट्स कमावता आले. बेंगलुरु बुल्सकडून पवन कुमारने सर्वाधिक 11 रेड पॉईंट्स कमावले. तर यू मुंबाच्या अर्जुन देशवालने सर्वाधिक 6 रेड पॉईंट्स मिळवले, अभिषेक सिंहने 5 रेड पॉईंट्स कमावले.

.@BengaluruBulls #FullChargeMaadi to win #MUMvBLR 30-26! Stay tuned to Star Sports and Hotstar for all the action from #VIVOProKabaddi Season 7! #IsseToughKuchNahi!

— ProKabaddi (@ProKabaddi) July 28, 2019