SA vs AFG, Match Highlights : दक्षिण आफ्रिका कशीबशी पाच विकेटने जिंकली, लढवय्या अफगाणिस्तानची कडवी झुंज
अहमदाबाद : दक्षिण आफ्रिकेनं अखेरच्या सामन्यात पाच विकेटने विजय मिळवला. लढवय्या अफगाणिस्तानने या सामन्यात दक्षिण आफ्रिकेला कडवी झुंज दिली.
अहमदाबाद : अहमदाबाद येथील नरेंद्र मोदी स्टेडियमवर 2023 विश्वचषक स्पर्धेतील 42 व्या सामन्यात दक्षिण आफ्रिकेने अफगाणिस्तानचा 5 गडी राखून पराभव केला. साखळी फेरीतील दोन्ही संघांचा हा शेवटचा सामना होता. आता उपांत्य फेरीत दक्षिण आफ्रिकेच्या संघाचा सामना ऑस्ट्रेलियाशी होणार आहे. या विश्वचषकात अफगाणिस्तानचा प्रवास संपला आहे.
प्रथम फलंदाजी करताना अफगाणिस्तानने दक्षिण आफ्रिकेला 245 धावांचे लक्ष्य दिले होते. खेळपट्टी पाहता, चार अफगाण फिरकीपटूंसमोर दक्षिण आफ्रिकेसाठी हे लक्ष्य सोपे नव्हते, पण रॅसी व्हॅन डेर ड्युसेनने अफगाणिस्तानच्या फिरकीपटूंसमोर उभे राहून आपल्या संघाला विजय मिळवून दिला. ड्युसेनने नाबाद 76 धावा केल्या. त्याला सातव्या क्रमांकाचा फलंदाज अँडिले फेहलुकवायोनेही साथ दिली. फेहलुकवायो 39 धावांवर नाबाद राहिला.
Afghanistan's World Cup campaign comes to an end, they are the 2nd best Asian team in World Cup 2023, disappointed a lot during 2019 WC followed by T20 WC's but they have made a huge statement in India.
— Johns. (@CricCrazyJohns) November 10, 2023
Many stars have emerged, future will be yours, thank you for entertaining. pic.twitter.com/JEyXlulYyC
लक्ष्याचा पाठलाग करताना दक्षिण आफ्रिकेला क्विंटन डी कॉक आणि कर्णधार टेम्बा बावुमा यांनी चांगली सुरुवात करून दिली, त्यांनी पहिल्या विकेटसाठी 64 धावांची (66 चेंडू) भागीदारी केली. ही वाढती भागीदारी मुजीब उर रहमानने 11व्या षटकात कर्णधार बावुमाला 23 धावांवर बाद केले. यानंतर 14व्या षटकाच्या पहिल्या चेंडूवर क्विंटन डी कॉकही पायचीत झाला. डी कॉकने 47 चेंडूत 2 चौकार आणि 3 षटकारांच्या मदतीने 41 धावा केल्या.
त्यानंतर तिसऱ्या विकेटसाठी रॅसी व्हॅन डर ड्युसेन आणि मार्कराम यांनी 50 धावांची भागीदारी केली, जी 24व्या षटकात मोडली. मार्करामला 25 धावांवर राशिद खानने बाद केले. त्यानंतर 28व्या षटकात पाचव्या क्रमांकावर फलंदाजीला आलेला हेनरिक क्लासेन (10)ही रशीद खानचा बळी ठरला. अशाप्रकारे आफ्रिकेने 139 धावांवर 4 विकेट गमावल्या आणि एकवेळ हा सामना अफगाणिस्तानच्या कॅम्पमध्ये चालला आहे असे वाटत होते, परंतु रॅसी व्हॅन डर डुसेनने क्रीजवर उभे राहून संघाच्या विजयात महत्त्वाची भूमिका बजावली.
Thank you, Afghanistan for giving us a memorable World Cup. Defeating England and Pakistan and coming close to defeating Australia in a single edition is commendable. pic.twitter.com/yPMyJqECD5
— Mufaddal Vohra (@mufaddal_vohra) November 10, 2023
क्लासेन बाद झाल्यानंतर रासीने डावखुरा डेव्हिड मिलरसोबत पाचव्या विकेटसाठी 43 धावांची भागीदारी केली. मात्र, ही भागीदारी फार काळ टिकू शकली नाही आणि 38व्या षटकात नबीने डेव्हिड मिवारची विकेट घेत ती संपुष्टात आणली. मिलर 24 धावा करून बाद झाला. त्यानंतर सहाव्या विकेटसाठी रॅसी व्हॅन डर डुसेन आणि अँडिले फेहलुकवायो यांनी नाबाद 65 (62 चेंडू) भागीदारी केली आणि संघाला विजयापर्यंत नेले. रासी 76 धावांवर नाबाद परतला आणि अँडिले फेहलुकवायोने 37 चेंडूंत 1 चौकार आणि 3 षटकारांच्या मदतीने 39 धावा केल्या.
इतर महत्वाच्या बातम्या
महत्त्वाच्या बातम्या
