Hardik Pandya: गुजरात टायटन्स आणि राजस्थान रॉयल्स (Gujarat Titans Vs Rajasthan Royals) यांच्यात आयपीएलच्या पंधराव्या हंगामात 24 वा सामना खेळण्यात आला. या सामन्यात गुजरात टायटन्सनं 37 धावांनी विजय मिळवलाय. गुजरात टायटन्सच्या विजयात कर्णधार हार्दिक पांड्यानं महत्वाची भूमिका बजावली. हार्दिकनं नाबाद 87 धावांची तुफानी खेळी करत गुजरात टायटन्सच्या विजयाचा पाया रचला. या कामगिरीसह हार्दिक पांड्यानं अनेक विक्रमाला गवसणी घातली आहे.
दरम्यान, राजस्थानविरुद्ध नाणेफेक गमावल्यानंतर प्रथम फलंदाजीसाठी मैदानात उतरलेल्या गुजरातच्या संघाची सुरुवात खराब झाली. सामन्याच्या सुरुवातीलाच गुजरातनं महत्वाचे विकेट गमावले. त्यानंतर फलंदाजी करण्यासाठी आलेल्या हार्दिक पांड्यानं वादळी खेळी केली. ज्यामुळं गुजरातच्या संघाला राजस्थानसमोर मोठं लक्ष्य ठेवता आलं. हार्दिकनं 52 चेंडूंत आठ चौकार आणि चार षटकारांसह नाबाद 87 धावांची खेळी केली. या खेळीसह हार्दिकनं आयपीएलमध्ये अनेक विक्रम केले आहेत.
हार्दिकची चमकदार कामगिरी
- या हंगामात हार्दिक पांड्यानं पाच सामन्यात 228 धावा केल्या आहेत. आयपीएल 2022 मध्ये त्यानं कर्णधार म्हणून सर्वाधिक धावा केल्या आहेत.
- आयपीएल कारकिर्दीत पहिल्यांदाच हार्दिक पांड्याने सलग दोन सामन्यात अर्धशतके झळकावली आहेत.
- हार्दिक पांड्याने मागील सामन्यात आयपीएलमध्ये सर्वात जलद 100 षटकार ठोकणारा भारतीय खेळाडू होण्याचा मान पटकावला.
गुजरातची गुणतालिकेत अव्वल स्थानी झेप
आयपीएल 2022 च्या 24 व्या सामन्यात प्रथम फलंदाजी करण्यासाठी मैदानात आलेल्या गुजरातनं 20 षटकांत चार विकेट्स गमावून राजस्थान रॉयल्ससमोर 193 धावांचं लक्ष्य ठेवलं. संघाच्या वतीनं कर्णधार हार्दिक आणि अभिनव मनोहर यांच्यात 55 चेंडूत 86 धावांची शानदार भागीदारी केली. राजस्थानला पराभूत करून गुजरातच्या संघानं गुणतालिकेत अव्वल स्थानी झेप घेत आहेत.
हे देखील वाचा-