Sandeep Sharma: लिलावात अनसोल्ड, रिप्लेसमेंट म्हणून संघात दाखल; 50 लाखांमध्ये खरेदी केलेला संदीप शर्मा भावूक

Rajasthan Royals Sandeep Sharma: संदीप शर्माच्या या कामगिरीच्या जोरावर त्याला सामनावीरचा पुरस्कार देण्यात आला.

sandeep sharma

Source : IPL

Sandeep Sharma RR vs MI IPL 2024: राजस्थान रॉयल्स (Rajasthan Royals) आणि  मुंबई इंडियन्स (Mumbai Indians) यांच्यात झालेल्या सामन्यान राजस्थानने 9 गड्यांनी विजय मिळवला. राजस्थानच्या या विजयात वेगवान गोलंदाज संदीप शर्माचा मोठा वाटा आहे. मुंबईला राजस्थानने संदीप शर्माच्या भेदकतेच्या जोरावर 20 षटकांत 9 बाद 179 धावांवर रोखले. तर या सामन्यात संदीपने 5 विकेट्सही घेतल्या. 

संदीप शर्माच्या या कामगिरीच्या जोरावर त्याला सामनावीरचा पुरस्कार देण्यात आला. यावेळी तो भावूक झाल्याचे पाहायला मिळाले. याआधी कोलकाताविरुद्ध झालेल्या सामन्यातून दुखापतीमुळे संदीप शर्माला माघार घ्यायला लागली होती. त्यानंतर मुंबईविरुद्ध त्याने जोरदार पुनरागमन केले. यावेळी संदीप शर्माने आयपीएलच्या लिलावात अनसोल्ड राहिल्याची देखील आठवण करुन दिली. 

संदीप शर्मा नेमकं काय म्हणाला?

सामन्याच्या एक दिवसाआधीच मी पूर्णपणे तंदुरुस्त झालो. मी गोलंदाजीत विविधता आणण्याचा प्रयत्न केला. खेळपट्टी संथ  होती, त्यामुळे गोलंदाजीत विविधता आणि कटर ठेवण्याची माझी योजना होती. तुम्हाला माहिती आहेच, मला दोन वर्षांपूर्वी आयपीएलच्या लिलावात कोणीच खरेदी केले नव्हते. मी रिप्लेसमेंट म्हणून राजस्थानच्या संघात दाखल झालो होतो. त्यामुळे मी प्रत्येक सामन्याचा आनंद घेत आहे, असं संदीप शर्माने सांगितले. 

आयपीएलच्या लिलावात अनसोल्ड-

2023 साली राजस्थान रॉयल्सचा वेगवान गोलंदाज प्रसिद्ध कृष्णा दुखापतीमुळे आयपीएलमधून बाहेर पडला होता. यामुळे प्रसिद्ध कृष्णाच्या जागी संदीप शर्माचा संघात समावेश करण्यात आला. गेल्या मोसमातही संदीप शर्माने राजस्थान रॉयल्ससाठी अप्रतिम कामगिरी केली होती. या हंगामातही संदीप शर्माची जादू कायम आहे. संदीप शर्मा अनेकदा मुंबई इंडियन्सविरुद्ध दमदार गोलंदाजी करतो. राजस्थान रॉयल्सने संदीप शर्माला त्याच्या मूळ किमतीत म्हणजेच 50 लाखांमध्ये खरेदी केले होते. संदीप शर्माने संघाचा हा निर्णय अद्याप चुकीचा ठरू दिलेला नाही. याआधी पंजाब किंग्स आणि हैदराबादच्या संघाकडून संदीप शर्मा खेळला आहे. 

THE STORY OF SANDEEP SHARMA:

- Unsold in IPL auction.
- RR picked him as a replacement.
- He was retained by RR in IPL 2024.
- He got injured.
- He made a return.
- He picked a fifer Vs MI.
- He won the POTM award. pic.twitter.com/I9OksLswCp

— Mufaddal Vohra (@mufaddal_vohra) April 22, 2024

जैस्वालची शतकी खेळी-

यशस्वी-जॉस बटलर यांनी 48 चेंडूंत 74 धावांची सलामी दिल्यानंतर यशस्वीने कर्णधार संजू सॅमसनसोबत 65 चेंडूंत नाबाद 109 धावांची भागीदारी करत संघाचा विजय स्पष्ट केला. सुमार गोलंदाजीसह गचाळ क्षेत्ररक्षणाचा मुंबईला फटका बसला. निर्णायक क्षणी मुंबईकरांनी दोन सोपे झेल सोडले. जैस्वालने दुसरे आयपीएल शतक झळकावले. जैस्वालने 60 चेंडूत 104 धावांची खेळी केली, ज्यामध्ये त्याने 9 चौकार आणि 7 षटकार मारले. 

गुणतालिकेची काय स्थिती-

सध्या गुणतालिकेत राजस्थानचा संघ पहिल्या क्रमांकावर आहे. राजस्थानने 8 सामने खेळले असून 7 सामने जिंकले, तर एक सामन्यात पराभव झाला. राजस्थानचे सध्या 14 गुण आहेत. कोलकाता नाइट रायडर्स 10 गुणांसह दुसऱ्या क्रमांकावर आहे. कोलकाताने 7 सामन्यात 5 सामने जिंकले आहेत. तर सनरायझर्स हैदराबाद देखील 10 गुणांसह तिसऱ्या क्रमांकावर आहे. चेन्नईचा संघाने 7 सामन्यात 4 विजय मिळवत गुणतालिकेत चौथ्या स्थानावर आहे. लखनौचा संघ 8 गुणांसह पाचव्या क्रमांकावर आहे. लखनौने 7 सामन्यात 4 विजय मिळवले आहेत. गुजरातचा संघ 8 गुणांसह सहाव्या क्रमांकावर, मुंबई इंडियन्स 6 गुणांसह सातव्या क्रमांकावर आहे. मुंबईचा 8 सामन्यात 3 विजय आणि 6 पराभव झाला आहे. दिल्लीचा संघ 4 गुणांसह आठव्या स्थानावर असून पंजाब 4 गुणांसह नवव्या, तर बंगळुरुचा संघ 2 गुणांसह दहाव्या क्रमांकावर आहे.

संबंधित बातम्या: