IPL 2022: श्रीशांत 9 वर्षांनंतर आयपीएलमध्ये पुनरागमन करणार? मेगा ऑक्शनमध्ये लागणार बोली; चाहत्यांना म्हणातोय...

IPL Mega Auction 2022: आयपीएलच्या पंधराव्या हंगामातील मेगा ऑक्शनसाठी काहीच दिवस शिल्लक राहिले आहेत.

S Sreesanth

IPL Mega Auction 2022: आयपीएलच्या पंधराव्या हंगामातील मेगा ऑक्शनसाठी काहीच दिवस शिल्लक राहिले आहेत. बीसीसीआयनं (BCCI) आयपीएलच्या मेगा ऑक्शनसाठी 590 खेळडूंची यादी जाहीर केलीय. या यादीत भारताचा वेगवान गोलंदाज एस. श्रीशांत (S. Sreesanth) याचाही समावेश आहे. श्रीशांतची मूळ किंमत 50 लाख रुपये ठेवण्यात आली. एस श्रीशांतनं 2013 मध्ये राजस्थान रॉयल्सकडून (Rajasthan Royals) शेवटचा सामना खेळला होता. आता 9 वर्षांनंतर हा खेळाडू पुन्हा एकदा आयपीएलमध्ये येण्यासाठी सज्ज झालाय. मात्र, त्याचं खेळणं आयपीएलमधील फ्रंचायझींवर अवलंबून असणार आहे. तसेच कोणता संघ त्याला खरेदी करणार? हे पाहणं महत्वाचं ठरणार आहे. 

एस श्रीशांत आयपीएल 2013 दरम्यान स्पॉट फिक्सिंगमध्ये दोषी आढळला होता. त्यानंतर त्याच्यावर आजीवन बंदी घालण्यात आली होती. त्यानंतर केरळ उच्च न्यायालयानं त्याच्यावरची बंदी उठवली आणि 7 वर्षांच्या बंदीनंतर श्रीसंत 2020 मध्ये देशांतर्गत क्रिकेटमध्ये परतला. श्रीशांतनं आयपीएलसाठी नोंदणी देखील केली होती, परंतु बीसीसीआयनं त्याला ऑक्शनसाठी निवडलं नव्हतं. 

श्रीशांतचं ट्वीट-

आयपीएलच्या ऑक्शनमध्ये समावेश झाल्यानं श्रीशांतनं चाहत्यांकडे त्याच्यासाठी प्रार्थना करण्याचे आवाहन केलंय "तुम्हा सर्वांना खुप खुप प्रेम. तुम्ही सर्वांचे आभार मानू शकत नाही. पण खरच खुप धन्यवाद आणि आभार. तुम्ही सर्वांनी केलेल्या प्रयत्नासाठी नेहमीच आभारी आहे. कृपया ऑक्शमध्ये माझ्यासाठी प्रार्थना करा, असं त्यानं ट्वीटरच्या माध्यमातून म्हटलंय. 

आयपीएलच्या पंधराव्या हंगामासाठी 12 आणि 13 फेब्रुवारीला बंगळरू येथे मेगा ऑक्शनचा पार पडणार आहे. बंगळरू येथे हा कार्यक्रम पार पडणार आहे.

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha