SRH vs RCB, Pitch Report : आयपीएलमध्ये (IPL 2022) आज सनरायजर्स हैदराबाद आणि ऱॉयल चँलेजर्स बंगळुरु (SRH vs RCB) हे दोन्ही संघ आमने-सामने येणार असून दोन्ही संघाना पुढील फेरीत एन्ट्रीसाठी आजचा विजय महत्त्वाची भूमिका निभावेल. यंदाच्या आयपीएलमध्ये यंदा हैदराबादने 10 पैकी 5 सामने जिंकत 10 गुण खिशात घातले आहेत. ते सध्या सहाव्या स्थानावर आहे. तर बंगळुरु संघाने 11 पैकी 6 सामने जिंकत 12 गुणांसह चौथं स्थान मिळवलं आहे. बंगळुरुची पुढील फेरीत पोहोचण्याची शक्यता अधिक असली तरी हैदराबादचं आव्हानही अजून जिवंत असल्याने आजचा सामना नक्कीच चुरशीची होण्याची शक्यता आहे.
आजवरच्या इतिहासाचा विचार करता रॉयल चँलेजर्स बंगळुरु आणि सनरायजर्स हैदराबाद हे संघ तब्बल 21 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता हैदराबादचं पारडं काहीसं जड राहिलं आहे. त्यांनी 12 सामन्यात विजय मिळवला आहे. तर बंगळुरुने 8 सामने जिंकण्यात यश मिळवलं आहे. तसंच एक सामना अनिर्णीत सुटला आहे.
हैदराबाद विरुद्ध बंगळुरु अशी असेल ड्रीम 11 (SRH vs RCB Best Dream 11)
विकेटकीपर- दिनेश कार्तिक, निकोलस पूरन
फलंदाज- फाफ डु प्लेसीस, विराट कोहली, एडन मार्करम
ऑलराउंडर- ग्लेन मॅक्सवेल, वानिंदू हसरंगा
गोलंदाज- भुवनेश्वर कुमार, उम्रान मलिक, हर्षल पटेल, जोश हेझलवुड.
कसा आहे पिच रिपोर्ट?
आजचा सामना मुंबईतील वानखेडे मैदानात पार पडणार आहे. इतर मैदानांच्या तुलनेत वानखेडेची सीमारेषा काहीशी छोटी असल्याने चौकार-षटकारांची बरसात याठिकाणी होते. त्यामुळे मोठी धावसंख्या उभा राहण्याची शक्यता आहे. दरम्यान आजचा सामना दुपारच्या सुमारास असल्याने दुसऱ्या इनिंगमध्ये दवाची अडचण देखील होणार नाही. म्हणूनच नाणफेक जिंकणारा संघ प्रथम फलंदाजी घेण्याची दाट शक्यता आहे.
हे देखील वाचा-