IPL संपताच भारताचा स्टार खेळाडू अडकणार लग्नाच्या बेडीत, भरमैदानात केले होते प्रपोज

IPL : गतवर्षी आयपीएलचा दुसरा टप्पा दुबईत पार पडला होता. सात ऑक्टोबर रोजी चेन्नई आणि पंजाब यांच्यातील सामना पार पडला.

deepak chahar

Deepak Chahar weds Jaya Bhardwaj : भारतीय संघाचा स्टार वेगवान गोलंदाज दीपक चाहर लग्नाच्या बंधणात अडकणार आहे. दीपक चाहर आणि जया भारद्वाज आयपीएल संपताच लग्न करणार आहेत. लग्नपत्रिका समोर आली आहे. एक जून रोजी दीपक चाहर आणि जया भारद्वाज लग्नाच्या बंधनात अडकणार आहेत. गतवर्षी दीपक चाहरने आयपीएलच्या सामन्यानंतर स्टेडिअममध्येच जया भारद्वाजला प्रपोज केले होते. 

 स्टेडिअममध्ये केले होते प्रपोज - 
गतवर्षी आयपीएलचा दुसरा टप्पा दुबईत पार पडला होता. सात ऑक्टोबर रोजी चेन्नई आणि पंजाब यांच्यातील सामना पार पडला. सामना संपल्यानंतर दीपक चाहरने स्टेडिअममध्येच प्रेयसी जया भारद्वाज हिला लग्नासाठी प्रपोज केले होते.  दीपक चाहरनं गुडघ्यावर बसून आपल्या गर्लफ्रेंडला प्रपोज केलं. यावेळी, आजूबाजूला उभ्या असणाऱ्या लोकांनी टाळ्यांच्या कडकडाटात दोघांनाही शुभेच्छा दिल्या. जेव्हा दीपकला जयानं होकार दिला, त्यावेळी दोघांनीही एकमेकांना कडकडून मिठी मारली. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Deepak Chahar (@deepak_chahar9)

 यंदा आयपीएलमध्ये नाही चाहर -
दीपक चाहरला चेन्नई सुपर किंग्सने आयपीएलच्या मेगा ऑक्शन 2022 मध्ये तब्बल 14 कोटी रुपयांत खरेदी केले होते. पण दीपक चाहर चेन्नईसाठी एकही सामना खेळू शकला नाही. आयपीएल सुरु होण्यापूर्वीच दीपक चाहर दुखापतग्रस्त झाला. त्यामुळे तो संपूर्ण आयपीएलला मुकला. 

कोण आहे जया भारद्वाज?
दीपक चाहरची होणारी पत्नी जया भारद्वाज दिल्लीमधील बारहखंबा येथे राहणारी आहे. बिग बॉस-5 (वर्ष-2011) मध्ये सहभाग नोंदवलेल्या अभिनेता सिद्धार्थ भारद्वाजची बहिण आहे. सिद्धार्थ MTV चा प्रसिद्ध शो स्पिल्ट्स विला सह इतर अनेक शोमध्ये दिसलाय. जया भारद्वाजने MBA केलेले आहे. जया एका टेलीकॉम कंपनीमध्ये डिजिटल प्लेटफार्म प्रमुख आहे. दीपक चाहर बहिण मालती चाहरमार्फत जयाला भेटला होता. तेथूनच दोघांमध्ये प्रामाचे अंकूर फुटले. 

हे देखील वाचा-