Suryakumar Yadav on Usman Tariq: कॅप्टन सूर्याकडून पाकिस्तानच्या उस्मान तारिकच्या भलत्याच अॅक्शनची कॉपी; म्हणाला 'हा आमच्या 'अभ्यासक्रमाबाहेर' पण टीम इंडिया त्याला...'
तारिकची गोलंदाजी करण्याची पद्धत (Action) अतिशय वेगळी असून ती आयसीसीने (ICC) मंजूर केली आहे. तो चेंडू टाकताना मध्येच काही काळ थांबतो (pause) आणि त्याची चेंडू फेकण्याची पद्धत 'राउंड-आर्म' स्वरूपाची आहे.
Suryakumar Yadav on Usman Tariq: टी-20 वर्ल्डकपमध्ये आज टीम इंडियाची लढत कट्टर विरोधक पाकिस्तानशी होत आहे. पाकिस्तानचा फिरकी गोलंदाज उस्मान तारीक त्याच्या स्टाईलमुळे सर्वाधिक चर्चेत आहे. मात्र, टीम इंडियाचा कॅप्टन सूर्यकुमार यादवनं त्याचा दबाव झुगारून दिला आहे. इतकंच नव्हे, तर त्याने उस्मान तारीकच्या स्टाईलची कॉपी करत नेट प्रॅक्टिसही केली. आजच्या सामन्यापूर्वी फलंदाजांना सराव मिळावा म्हणून सूर्यकुमारने स्वतः तारिकसारखी 'स्लिंगी' ॲक्शन करून गोलंदाजी केली. हा सामना श्रीलंकेतील आर. प्रेमदासा स्टेडियमवर होणार असून तेथील खेळपट्टी फिरकी गोलंदाजांना मदत करण्याची शक्यता आहे. त्यामुळे भारतीय फलंदाजांसाठी तारिकचा सामना करणे ही एक मोठी कसोटी असेल.
View this post on Instagram
कधीकधी असे कठीण प्रश्न येतात (Suryakumar on Usman Tariq)
तारिकची गोलंदाजी करण्याची पद्धत (Action) अतिशय वेगळी असून ती आयसीसीने (ICC) मंजूर केली आहे. तो चेंडू टाकताना मध्येच काही काळ थांबतो (pause) आणि त्याची चेंडू फेकण्याची पद्धत 'राउंड-आर्म' स्वरूपाची आहे, ज्यामुळे फलंदाजांना चेंडू ओळखणे कठीण जाते. सूर्याने तारिकच्या गोलंदाजीचे वर्णन 'आउट ऑफ सिलॅबस' (अभ्यासक्रमाबाहेरील) असे केले आहे. त्याने स्पष्ट केले की, परीक्षेत कधीकधी असे कठीण प्रश्न येतात, पण म्हणून आपण ते सोडून देत नाही, तर त्याचा सामना करतो. भारतीय संघ अशा आव्हानासमोर हार मानणार नाही, असेही त्याने नमूद केले.
भारतीय संघाने यापूर्वीही अशा विशिष्ट गोलंदाजांचा सामना करण्यासाठी अनोख्या पद्धती वापरल्या आहेत. 2016 च्या आशिया चषकात 7 फूट उंच मोहम्मद इरफानचा सराव करण्यासाठी भारतीय फलंदाजांनी स्टूल आणि खुर्च्यांवर उभे राहून 'थ्रो-डाउन' घेतले होते. माजी फिरकीपटू हरभजन सिंगच्या मते, उस्मान तारिक हा एक कठीण गोलंदाज आहे आणि त्याच्याकडे अनेक वैविध्यपूर्ण चेंडू आहेत. मात्र, भारतीय संघ त्याचा सामना करू शकतो, असा विश्वास त्याने व्यक्त केला. त्याने विशेषतः अभिषेक शर्माचे नाव घेतले, जो फिरकी गोलंदाजी उत्तम खेळण्यासाठी ओळखला जातो.
इतर महत्वाच्या बातम्या
महत्त्वाच्या बातम्या
