Amit Panghal,CWG 2022: अमित पंघालची सुवर्णपदकावर झडप, भारताची पदकसंख्या 43 वर
Birmingham Commonwealth Games 2022: बॉक्सिंगमध्ये अमित पंघालनं (Amit Panghal) पुरुषांच्या 48-51 किलो वजनी गटात सुवर्णपदक पटकावलं आहे.
Birmingham Commonwealth Games 2022: बॉक्सिंगमध्ये अमित पंघालनं (Amit Panghal) पुरुषांच्या 48-51 किलो वजनी गटात सुवर्णपदक पटकावलं आहे. त्यानं अंतिम सामन्यात इंग्लंडच्या किआरन मॅकडोनाल्डचा (Kiaran Macdonald) 5-0 असा पराभव केला. आज भारताच्या खात्यात दोन सुवर्णपदक जमा झालेत. भारतानं आतापर्यंत 15 सुवर्णपदकासह एकूण 43 पदक जिंकली आहेत.
कॉमनवेल्थ स्पर्धेतील भारताचे हे 15 वं सुवर्णपदक
अमित पंघालनं पुरुषांच्या 52 किलो वजनी गटाच्या अंतिम फेरीत इंग्लंडच्या किआरनमॅकडोनाल्डचा पराभव करून सुवर्णपदक जिंकलं. गोल्ड कोस्ट येथे झालेल्या कॉमनवेल्थ गेम्सच्या मागील हंगामात पंघालनं रौप्य पदक जिंकलं होतं. त्यानं फ्लायवेटमध्ये युरोपियन चॅम्पियनशिपमधील रौप्यपदक विजेता किआरन मॅकडोनाल्डचा 5-0 असा पराभव केला. कॉमनवेल्थ स्पर्धेतील भारताचे हे 15 वं सुवर्णपदक आहे.
भारतासाठी पदक जिंकलेले खेळाडू
सुवर्णपदक- 15
मीराबाई चानू, जेरेमी लालरिनुंगा, अंचिता शेउली, महिला लॉन बॉल संघ, टेबल टेनिस पुरुष संघ, सुधीर (पॉवरलिफ्टिंग), बजरंग पुनिया, साक्षी मलिक, दीपक पुनिया, रवी दहिया, विनेश फोगट, नवीन, भाविना (पीपी) ), नीतू घणघस, अमित पंघाल.
रौप्यपदक- 11
संकेत सरगर, बिंद्याराणी देवी, सुशीला देवी, विकास ठाकूर, भारतीय बॅडमिंटन संघ, तुलिका मान, मुरली श्रीशंकर, अंशू मलिक, प्रियांका, अविनाश साबळे, पुरुष लॉन बॉल संघ.
कांस्यपदक- 17
गुरुराजा पुजारी, विजय कुमार यादव, हरजिंदर कौर, लवप्रीत सिंह, सौरव घोषाल, गुरदीप सिंह, तेजस्वीन शंकर, दिव्या काकरन, मोहित ग्रेवाल, जास्मिन, पूजा गेहलोत, पूजा सिहाग, मोहम्मद हुसामुद्दीन, दीपक नेहरा, रोहित टोकस, महिला हॉकी संघ.
हे देखील वाचा-
महत्त्वाच्या बातम्या
ट्रेंडिंग न्यूज
