CSK vs RR, 1st Innings Score: चेन्नईचं राजस्थानसमोर 189 धावांचं आव्हान
CSK vs RR, IPL 2021 1st Innings Highlights: चेन्नईनं राजस्थानसमोर 189 धावांचं आव्हान ठेवलं आहे. नाणेफेक गमावलेल्या चेन्नईने प्रथम फलंदाजी करताना राजस्थानसमोर 20 षटकात 9 बाद 188 धावा केल्या. चेन्नईच्या एकाही खेळाडूला मोठी खेळी करता आली नाही.
CSK vs RR, IPL 2021 1st Innings Highlights: मुंबईच्या वानखेडे मैदानावर सुरु असलेल्या चेन्नई आणि राजस्थानमधील सामन्यात चेन्नईनं राजस्थानसमोर 189 धावांचं आव्हान ठेवलं आहे. नाणेफेक गमावलेल्या चेन्नईने प्रथम फलंदाजी करताना राजस्थानसमोर 20 षटकात 9 बाद 188 धावा केल्या. चेन्नईच्या एकाही खेळाडूला मोठी खेळी करता आली नाही. मात्र प्रत्येक खेळाडूने छोट्या खेळी करत संघाला चांगली धावसंख्या उभारुन दिली आहे.
चेन्नईकडून ऋतुराज गायकवाड आणि फाफ डु प्लेसिस यांनी चेन्नईच्या डावाची सुरुवात केली. ऋतुराज 10 धावांवर बाद झाला. यानंतर प्लेसिसने 17 चेंडूत 4 चौकार आणि 2 षटकारांसह 33 धावा करत बाद झाला. पहिल्या 6 षटकात चेन्नईने 2 बाद 46 धावा केल्या. त्यानंतर मोईन अलीने थोडी फटकेबाजी केली, मात्र अली 26 धावांवर बाद झाला. यानंतर सुरेश रैना आणि अंबाती रायुडू यांनी 45 धावांची भागीदारी केली. चेतन साकारियाने एकाच षटकात रायुडू आणि रैनाला बाद केले. रैनाने 18 तर रायुडूने 27 धावा केल्या.
त्यानंतर 200 वा सामना खेळणारा कर्णधार धोनी मैदानात आला मात्र तो 18 धावा काढून तो माघारी परतला. धोनीनंतर जडेजा 8 धावांवर बाद झाला. शेवटच्या 8 चेंडूंमध्ये ब्राव्होने 20 धावा करत संघाला 188 धावांवर पोहोचवले. राजस्थानकडून चेतन साकरियाने 3, मॉरिसने 2 तर, मुस्तफिजुर आणि तेवतिया यांनी प्रत्येकी 1 विकेट घेतली.
यापूर्वीच्या दोन्ही सामन्यांमध्ये दोन्ही संघांनी विजय मिळवला आहे. अशा परिस्थितीत दोन्ही संघ विजयाची लय कायम ठेवण्याचा प्रयत्न करतील. शेवटच्या सामन्यात चेन्नईने पंजाबचा पराभव केला. तर राजस्थानने दिल्लीला पराभूत केले होते. चेन्नई आणि राजस्थान यांच्यात आजवर झालेल्या सामन्यांवर नजर टाकल्यास चेन्नई पुढे आहे. दोन्ही संघ आतापर्यंत 23 वेळा समोरासमोर आले आहेत. त्यापैकी चेन्नईने 14 वेळा विजय मिळवला आहे. तर राजस्थानने केवळ 9 सामने जिंकले आहेत.
महत्त्वाच्या बातम्या
ट्रेंडिंग न्यूज
