WPL 2023 : आज दोन तगड्या संघात होणार सामना, मुंबई इंडियन्सची लढत दिल्ली कॅपिटल्सशी, कधी कुठे पाहाल मॅच?
MI-W vs DC-W, Match Preview : गुणतालिकेत अव्वल दोन स्थानी असणारे मुंबई इंडयन्स आणि दिल्ली कॅपिटल्स या संघामध्ये आज सामना रंगणार आहे.
WPL 2023 : महिला प्रीमियर लीग (WPL) स्पर्धेत आज (20 मार्च) हंगामातील 18 वा सामना खेळवला जाईल. हा सामना मुंबई इंडियन्स आणि दिल्ली कॅपिटल्स (Mumbai Indians vs Delhi Capitals) या संघांमध्ये होणार आहे. महिलांच्या आयपीएल 2023 च्या मोसमात मुंबई इंडियन्स आणि दिल्ली कॅपिटल्स या संघानी दमदार कामगिरी केली आहे. मुंबई इंडियन्स विरुद्ध दिल्ली कॅपिटल्स (MI vs DC) सामना दोन्ही संघासाठी महत्त्वाचा असेल, कारण दोन्ही संघानी आतापर्यंत दमदार खेळ दाखवला आहे. दोघांनी देखील प्रत्येकी 6-6 सामने खेळले असून मुंबई इंडियन्सने केवळ एक सामना गमावला आहे. तर दिल्ली कॅपिटल्स संघाने दोनच सामने गमावले आहेत. त्यामुळे दोघेही चांगल्या स्थितीत गुणतालिकेत आहेत. तसंच दोन्ही संघामध्ये दमदार खेळाडूंचा भरणा असून मुंबईची मदार कर्णधार हरमनप्रीतवर तर दिल्लीची मदार नुकताच टी20 विश्वचषक जिंकलेल्या मेग लँनिंगवर आहे. त्यामुळे एक रंगतदार सामना आज पाहायला मिळू शकतो... तर अशा या महत्त्वाच्या सामन्याचे थेट प्रक्षेपण तुम्ही केव्हा आणि कुठे पाहू शकता ते पाहूया...
सामना कधी होणार?
मुंबई इंडियन्स आणि दिल्ली कॅपिटल्स यांच्या महिला संघांमध्ये आज म्हणजेच 20 मार्च रोजी सामना होणार आहे.
सामना कुठे होणार?
मुंबई इंडियन्स आणि दिल्ली कॅपिटल्स यांच्या महिला संघांमध्ये सामना नवी मुंबईच्या डी.वाय. पाटील स्टेडियमवर होणार आहे.
सामना किती वाजता सुरू होईल?
मुंबई इंडियन्स आणि दिल्ली कॅपिटल्स या महिला संघांमधील सामना भारतीय वेळेनुसार संध्याकाळी 7.30 वाजता सुरू होईल. सामन्याच्या अर्धा तास आधी म्हणजेच 7 वाजता टॉस होईल.
सामन्याचं थेट प्रक्षेपण कुठे पाहाल?
मुंबई इंडियन्स आणि दिल्ली कॅपिटल्स या महिला संघात खेळल्या जाणाऱ्या या सामन्याचे थेट प्रक्षेपण स्पोर्ट्स 18 नेटवर्कवर संध्याकाळी 7:30 वाजता सुरू होईल. त्यांच्याकडे संपूर्ण हंगामातील सामन्यांचे प्रसारण अधिकार आहेत. त्याच वेळी, या सामन्याचे ऑनलाइन लाइव्ह स्ट्रीमिंग जिओ सिनेमाच्या अॅप आणि वेबसाइटवरून पाहता येईल. ज्यामध्ये त्यांना हे सामने Jio सिनेमावर 4K मध्ये पाहण्याची सुविधा मिळेल.
View this post on Instagram
हे देखील वाचा-
महत्त्वाच्या बातम्या
