ICC T20I Rankings : जलवा है हमारा... आयसीसी क्रमवारीत मोठी उलथापालथ! टीम इंडियाच्या वाघाने घेतली गरुडझेप, तिलक वर्माने पण रचला इतिहास
भारत आणि इंग्लंड यांच्यात पाच सामन्यांची टी-20 मालिका खेळली जात आहे. आतापर्यंत या मालिकेतील तीन सामने खेळल्या गेले आहेत.
ICC T20I Rankings Update : भारत आणि इंग्लंड यांच्यात पाच सामन्यांची टी-20 मालिका खेळली जात आहे. आतापर्यंत या मालिकेतील तीन सामने खेळल्या गेले आहेत. टीम इंडियाने पहिले दोन सामने जिंकले होते पण तिसऱ्या सामन्यात इंग्लंडने शानदार पुनरागमन केले आणि विजय मिळवला. राजकोटमध्ये खेळल्या गेलेल्या तिसऱ्या सामन्यात इंग्लंडने भारताचा 26 धावांनी पराभव केला आणि मालिकेत स्वतःला जिवंत ठेवले. दरम्यान, आयसीसीने नवीन क्रमवारी जाहीर केली आहे. या वर्षीच्या टी-20 क्रमवारीत अनेक बदल दिसून येत आहेत.
आयसीसीने टी-20 गोलंदाजांची ताजी क्रमवारी जाहीर केली आहे, ज्यामध्ये वरुण चक्रवर्तीने एक, दोन किंवा 10 नाही तर 25 खेळाडूंना मागे सोडले आहे. आयसीसीच्या ताज्या टी-20 क्रमवारीत वरुण चक्रवर्ती पाचव्या क्रमांकावर आला आहे. त्याचे 679 रेटिंग गुण आहेत. इतर कोणत्याही भारतीय गोलंदाजाचा टॉप 5 मध्ये समावेश नाही. पण, जर आपण टॉप 10 बद्दल बोललो तर, वरुण चक्रवर्ती व्यतिरिक्त अर्शदीप सिंग आणि रवी बिश्नोई यांची नावे देखील आहे. अर्शदीप सिंग नवव्या स्थानावर आहे. तर रवी बिश्नोई आयसीसीच्या ताज्या क्रमवारीत 10 व्या क्रमांकावर आहे.
England veteran re-claims the top spot in the Men's T20I Bowling Rankings following his exploits in India 👌
— ICC (@ICC) January 29, 2025
More ⬇https://t.co/dPrG1rTQ7R
आदिल रशीद पहिल्या क्रमांकावर
आयसीसीच्या नवीन टी-20 गोलंदाजांच्या क्रमवारीत इंग्लंडचा आदिल रशीद पहिल्या क्रमांकावर आला आहे. या इंग्लिश फिरकी गोलंदाजाचे 718 रेटिंग गुण आहेत. दरम्यान, वेस्ट इंडिजचा अकील हुसेन 707 रेटिंग गुणांसह दुसऱ्या स्थानावर आहे. श्रीलंकेचा वानिंदू हसरंगा 698 रेटिंग गुणांसह तिसऱ्या क्रमांकावर आहे. तर ऑस्ट्रेलियाचा अॅडम झाप्पा 694 रेटिंग गुणांसह चौथ्या स्थानावर आहे. म्हणजेच, आयसीसी टी-20 गोलंदाजांच्या क्रमवारीत फिरकीपटूंचे वर्चस्व आहे.
तिलक वर्माने पण रचला इतिहास!
वरुण चक्रवर्ती व्यतिरिक्त आणखी एका भारतीय खेळाडूने आयसीसी क्रमवारीत झेप घेतली आहे. विशेषतः टीम इंडियाचा स्टार फलंदाज तिलक वर्माने इतिहास रचला आहे. त्याने एका स्थानाची झेप घेतली आहे आणि यासह तो आता दुसऱ्या स्थानावर पोहोचला आहे. वर्मा पहिल्यांदाच आयसीसी टी-20 क्रमवारीत दुसऱ्या क्रमांकावर पोहोचला आहे. तर हार्दिक पांड्या अष्टपैलू खेळाडूंच्या क्रमवारीत पहिल्या क्रमांकावर आहे. राजकोट टी-20 मध्ये भारताच्या पराभवानंतर हार्दिक पांड्यावर बरीच टीका झाली होती, पण तरीही तो आयसीसी क्रमवारीत नंबर वन अष्टपैलू खेळाडू बनला आहे. तिलक वर्मा 832 रेटिंग गुणांसह दुसऱ्या क्रमांकाचा फलंदाज आहे.
हे ही वाचा -
महत्त्वाच्या बातम्या
