Travis Head Century AUS vs ENG 1st Test : ज्या खेळपट्टीवर पहिल्या दिवशी 19 विकेट पडल्या तिथेच ट्रॅव्हिस हेडने इंग्लंडला धू-धू धुतलं, 69 चेंडूत ठोकले शतक
Australia vs England 1st Ashes Test Marathi News : ऑस्ट्रेलिया आणि इंग्लंड यांच्यातील 2026-26 च्या अॅशेस मालिकेतील पहिल्या कसोटी सामन्याच्या दुसऱ्या दिवशी तीन डाव पूर्ण झाले आहेत.
Travis Head Century 69-Ball in 1st Ashes Test : ऑस्ट्रेलिया आणि इंग्लंड यांच्यातील 2026-26 च्या अॅशेस मालिकेतील पहिल्या कसोटी सामन्याच्या दुसऱ्या दिवशी तीन डाव पूर्ण झाले आहेत. पर्थमधील ऑप्टस स्टेडियमवर खेळल्या जाणाऱ्या या सामन्याच्या पहिल्या दिवशी 19 विकेट्स पडल्या होत्या. दुसऱ्या दिवशी अवघ्या अर्ध्या दिवसाच्या खेळात 11 विकेट्स पडल्या. दुसऱ्या डावात इंग्लंडचा संघ 164 धावांवर ऑलआऊट झाला आणि ऑस्ट्रेलियाला 205 धावांचे लक्ष्य मिळाले. ऑस्ट्रेलियाकडून पहिल्या डावात 7 विकेट्स घेणाऱ्या मिचेल स्टार्कने दुसऱ्या डावातही 3 विकेट्स घेतल्या आणि सामन्यात आपला 10 विकेट्स पूर्ण केला.
ट्रॅव्हिस हेडचा टी-20 अवतार; 69 चेंडूत धडाकेबाज शतक (Travis Head Century 69-Ball in 1st Ashes Test)
205 धावांचा पाठलाग करण्यासाठी उतरताच ऑस्ट्रेलियन सलामीवीरांनी धडाकेबाज सुरुवात केली. ट्रॅव्हिस हेड आणि जेक वेदरल्ड यांनी पहिल्या विकेटसाठी 75 धावांची झटपट भागीदारी रचली. ट्रॅव्हिस हेडने तर अक्षरशः टी-20 मोड ऑन करत फक्त 36 चेंडूत अर्धशतक ठोकले. त्यानंतर त्याने फक्त 69 चेंडूत आपले शतक संपूर्ण केले. त्याच्या या धडाकेबाज शतकीय खेळीमुळे सामना एकतर्फी झाला असून ऑस्ट्रेलिया वेगाने विजयाच्या दिशेने धावत आहे. 144.93 च्या स्ट्राइक रेटने खेळताना हेडने 12 चौकार आणि 4 षटकार ठोकत इंग्लंडच्या गोलंदाजांना चांगलेच धुतले.
Travis Head leads the Aussie charge in the chase with his 10th Test century in Perth 💯#WTC27 #AUSvENG 📝: https://t.co/eE4SSOzEUc pic.twitter.com/TrKo5xzStt
— ICC (@ICC) November 22, 2025
ऑस्ट्रेलियाचा पहिल्या डावात 132 धावांवर गारद
याआधी ऑस्ट्रेलियाची पहिला डाव अवघ्या 132 धावांवर संपुष्टात आला होता. त्या वेळी हेडने 35 चेंडूत 21 धावांची छोटीशी खेळी केली होती. पण दुसऱ्या डावात त्याने वेगळ्याच मूडमध्ये ग्रीन टॉप पर्थच्या विकेटवर जोरदार प्रत्युत्तर दिले आहे. आता तो ही फिफ्टी शतकी खेळीत परिवर्तित करून संघाच्या विजयात मोठा वाटा उचलण्याच्या प्रयत्नात आहे.
इंग्लंड 164 धावांवर ऑल आऊट
पर्थ कसोटी सामन्याच्या दुसऱ्या डावात इंग्लंड 164 धावांवर ऑल आऊट झाले. ऑस्ट्रेलियाच्या विकेट घेण्याच्या वेगवान गोलंदाजीमुळे इंग्लंडच्या कोणत्याही फलंदाजाला प्रगती करता आली नाही. परिणामी, संघ 35 व्या षटकात 164 धावांवर ऑल आऊट झाला. इंग्लंडकडून गस अॅटकिन्सनने सर्वाधिक 32 चेंडूत 37 धावा केल्या. ऑली पोप 57 चेंडूत 33 धावा करून पॅव्हेलियनमध्ये परतला. बेन डकेटने 28 आणि ब्रायडन कार्सने 20 धावा केल्या.
हे ही वाचा -
महत्त्वाच्या बातम्या
