सानिया मिर्झाचं इन्स्टाग्राम रील व्हायरल, नेटकऱ्यांच्या भन्नाट कमेंट्स
Sania Mirza Instagram Reels : टेनिस स्टार सानिया मिर्झा आणि क्रिकेटपटू शोएब मलिक हे पती-पत्नी नेहमीच कोणत्या ना कोणत्या कारणामुळे चर्चेत असतात.
Sania Mirza Instagram Reels : टेनिस स्टार सानिया मिर्झा आणि क्रिकेटपटू शोएब मलिक हे पती-पत्नी नेहमीच कोणत्या ना कोणत्या कारणामुळे चर्चेत असतात. दोघेही सोशल मीडियावर फोटो आणि व्हिडिओ पोस्ट करत असतात. चाहतेही त्यांना प्रतिसाद देत असतात. अशातच आता सानिय मार्झाचा एक रील व्हिडीओनं सध्या सोशल मीडियावर धुमाकूळ घातलाय. सोशल मीडियावर प्रतिक्रियांचा पाऊस पडला आहे. दरम्यान पाकिस्तान संघाला चिअर करण्यासाठी सानिया मिर्झा यूएईमध्ये पोहचली आहे. भारताविरोधात झालेल्या सामन्याशिवाय पाकिस्तानच्या प्रत्येक सामन्याला सानियानं स्टेडिअमवर हजेरी लावली आहे. पाकिस्तानच्या संघाला चिअर करताना सानिया मिर्झाचे व्हिडीओ आणि फोटो व्हायरल झाले होते. काही नेटकऱ्यांनी सानियाच्या या फोटोवर टीकाही केली आहे.
सोशल मीडियावर पोस्ट केलेल्या व्हिडीओ आणि फोटोमुळे सानिया नेहमीच चर्चेत असते. अशातच सानियानं आपल्या इन्स्टाग्राम रीलवरुन एक व्हिडीओ पोस्ट केला आहे. हा व्हिडिओ सध्या चर्चेचा विषय ठरत आहे. या व्हिडीओत एका चित्रपटाचा डायलॉग असून पती शोएब मलिकलाही दाखवण्यात आलं आहे. ‘बेटा हमेशा उन लोगों से दूर रहो, जिनको तुम्हारी कदर नही. या डायलॉगवर सानिया मिर्झानं कॅमेरा शोएबकडे दाखवत उनी के घर मे रेहती हू असा डायलॉग म्हटलंय.’
हा रील व्हिडीओ सानिया मिर्झा आणि शोएब मलिक यांच्या रुममधील आहे. शोएब मलिक आराम करत आहे. तर सानिया मिर्झा रील व्हिडीओ तयार करत आहे. या व्हिडीओच्या कॅप्शनमध्ये सानियानं ‘घर की मुर्गी’ असं म्हटलेय.
View this post on Instagram
सानिया मिर्झाच्या या व्हिडीओला क्रिकेटपटू रॉबिन उथप्पाची पत्नी शीथला आणि दिग्दर्शक फराह खान यांनीही कमेंट केली आहे. अन्य नेटकऱ्यांनाही कमेंटचा पाऊस पाडला आहे. काही जणांनी शोएब मलिकचीही बाजू घेतली आहे.
महत्त्वाच्या बातम्या
ट्रेंडिंग न्यूज
