Shubman Gill : इंग्लंड दौऱ्यासाठी 'मास्टर प्लॅन' तयार! कसोटी कर्णधार झाल्यानंतर शुभमन गिलची पहिली प्रतिक्रिया, म्हणाला, रोहित भाई...
Shubman Gill First Statement as Test Captain : रोहित शर्माच्या निवृत्तीनंतर शुभमन गिलला भारतीय कसोटी संघाचा नवा कर्णधार बनवण्यात आले आहे.
Team India Test Captain Shubman Gill News : रोहित शर्माच्या निवृत्तीनंतर शुभमन गिलला भारतीय कसोटी संघाचा नवा कर्णधार बनवण्यात आले आहे. गिलने टी-20 आंतरराष्ट्रीय क्रिकेटमध्ये टीम इंडियाचे नेतृत्व केले आहे. त्याच वेळी, आयपीएलमध्ये तो गुजरात टायटन्सचा कर्णधार आहे आणि त्याने त्याच्या संघाला आयपीएल 2025 च्या प्लेऑफमध्ये देखील नेले आहे. पण इंग्लंड दौऱ्यापूर्वीच नवीन कर्णधार शुभमन गिलने एक मास्टर प्लॅन तयार केला आहे. त्याच्या मदतीने तो ब्रिटिशांविरुद्ध जिंकण्याचे स्वप्न पाहत आहे.
यावेळी, तरुण खेळाडूंनी भरलेला टीम इंडिया इंग्लंडच्या भूमीवर काहीतरी मोठे करण्याचा विचार करत आहे. यासाठी त्याने खास तयारी केली आहे. टीम इंडियाचे फलंदाज नेहमीच इंग्लंडविरुद्ध संघर्ष करतात, पण यावेळी गिलने यासाठी एक खास योजना तयार केली आहे. शुभमन गिलची कसोटी कर्णधार झाल्यानंतर पहिली प्रतिक्रिया समोर आली आहे. बीसीसीआयने त्यांच्या अधिकृत वेबसाईटवर कसोटी कर्णधार झाल्यानंतरची मुलाखत पोस्ट केली आहे.
गिलने बनवली खास रणनीती!
कर्णधार शुभमन गिलने बीसीसीआयला दिलेल्या खास मुलाखतीत इंग्लंड दौऱ्याबद्दल काही मोठ्या गोष्टी सांगितल्या आहेत. तो म्हणाला, "कर्णधार म्हणून माझ्यावर अधिक जबाबदारी असेल, पण मी खेळाडूंवर कोणताही दबाव आणणार नाही, त्यांना त्यांचा नैसर्गिक खेळ खेळण्यास सांगेन. यामुळे त्यांना कोणत्याही दबावाशिवाय त्यांचे क्रिकेट खेळता येईल. याचा संघाला खूप फायदा होईल. यासोबत ड्रेसिंग रूममधील वातावरण चांगले बनवायचे आहे. यासाठी सर्व खेळाडूंशी मोकळेपणाने बोलेल".
Ready to lead the country 🇮🇳
— BCCI (@BCCI) May 25, 2025
Grounded in learnings 😇
Driven by purpose 💪
🎥 𝗣𝗿𝗲𝘀𝗲𝗻𝘁𝗶𝗻𝗴 #TeamIndia 𝗧𝗲𝘀𝘁 𝗖𝗮𝗽𝘁𝗮𝗶𝗻 𝗦𝗵𝘂𝗯𝗺𝗮𝗻 𝗚𝗶𝗹𝗹 - By @Moulinparikh@shubmangill
कर्णधार असणे ही अभिमानाची गोष्ट...
टीम इंडियाचा नवा कर्णधार गिल म्हणाला, "भारतासाठी कसोटी संघाचे नेतृत्व करणे ही एक मोठी जबाबदारी आहे. त्यासाठी मी पूर्णपणे तयार आहे. मी कधीही कसोटीत टीम इंडियाचे नेतृत्व केले नाही, परंतु मी टी-२० मध्ये संघाचे नेतृत्व केले आहे, हा अनुभव त्याच्यासाठी उपयुक्त ठरेल. एक क्रिकेटपटू म्हणून, जेव्हा तुम्ही क्रिकेट खेळायला सुरुवात करता तेव्हा तुमचे पहिले स्वप्न भारतासाठी खेळण्याचे असते. तसेच दीर्घकाळ कसोटी क्रिकेट खेळत राहणे हे माझे स्वप्न आहे"
रोहित आणि विराटचे केले कौतुक
शुभमन पुढे म्हणाला, रोहित भाई आणि विराट भाई. दोघांचीही शैली वेगळी होती. पण दोन्ही दिग्गजांचे ध्येय एकच होते आणि त्यांना त्या दिशेने काम करताना पाहणे प्रेरणादायी होते. विराट भाई नेहमीच खूप आक्रमक असतो आणि त्याला आघाडीवरून नेतृत्व करायचे होते, तर रोहित भाई देखील आक्रमक होता पण त्यांच्या प्रतिक्रिया किंवा त्यांच्या हावभावातून ते दिसून येत नाही. रोहित भाई खूप शांत स्वभावाचे होते आणि नेहमीच हुशारीने काम करायचे. तो खेळाडूंशी खूप संवाद साधतो, खेळाडूंकडून त्याला काय हवे आहे ते त्यांना सांगतो आणि म्हणूनच मी त्याच्याकडून हे गुण शिकलो आहे.
महत्त्वाच्या बातम्या
