IPL 2023 : गुजरात टायटन्सपासून वेगळा झाला शुभमन गिल? संघाने केलेल्या ट्वीटमुळे उडाला गोंधळ
IPL 2022 : आयपीएल 2022 चा विजयी संघ गुजरात टायटन्समध्ये शुभमन गिलने चमकदार कामगिरी केली. पण आता तो टीम सोडणार असल्याची चर्चा होताना दिसत आहे.
Gujarat Titans Tweet : भारताचा युवा फलंदाज शुभमन गिल (Shubhman Gill) आयपीएल 2022 चा विजयी संघ गुजरात टायटन्स (Gujrat Titans) सोडणार असल्याची चर्चा सोशल मीडियावर सुरु आहे. यामागील कारण हे गुजरात टायटन्स संघानं त्यांच्या अधिकृत ट्वीटरवरुन केलेलं एक ट्वीट आहे.
गुजरात टायटन्सनं आज (17 सप्टेंबर) एक ट्वीट केलं, ज्यात त्यांनी शुभमन गिलला टॅग करत लिहिले की, 'तुझा हा प्रवास संस्मरणीय ठरला. तुला पुढील वाटचालीसाठी खूप खूप शुभेच्छा.' ज्यानंतर शुभमन गिलने हार्ट इमोजीसह हे ट्वीट रिट्विटही केलं. आता असं ट्वीट वाचल्यास कोणालाही हेच वाटेल की शुभमन आणि गुजरात संघाचे रस्ते वेगळे होत आहेत. पण यानंतरच गुजरात टायटन्सने याबाबत स्पष्टीकरण दिलं. शुभमन गुजरात संघापासून वेगळा होत नसल्याबाबत त्यांनी यावेळी सांगितलं, ज्यामुळे शुभमनच्या चाहत्यांसह भारतीय क्रिकेटप्रेमींच्या चर्चेला फुलस्टॉप लागला.
काय होतं गुजरात टायटन्सचं ट्वीट?
It’s been a journey to remember. We wish you all the best for your next endeavour, @ShubmanGill!#AavaDe
— Gujarat Titans (@gujarat_titans) September 17, 2022
केकेआर गाजवून शुभमन गुजरातमध्ये
अंडर 19 विश्वचषक (Under 19 World Cup) विजयी संघाचा भाग असणाऱ्या शुभमनने स्पर्धेत मालिकावीराचा पुरस्कारही मिळवला. शुभमन गिलने 2018 साली कोलकाता नाइट रायडर्सकडून आयपीएलमध्ये पदार्पण केले होते. त्याने आतापर्यंत 74 IPL सामन्यात 1900 धावा केल्या आहेत. या दरम्यान शुभमन गिलची सरासरी 32 आहे. तर 14 वेळा पन्नास धावांचा टप्पा ओलांडला आहे. आयपीएल 2022 चा विचार करता यातही संघाला जिंकवून देण्यात शुभमन गिलचा मोठा वाटा होता. आयपीएल (IPL 2022) मध्ये शुभमन गिलच्या आकडेवारीवर नजर टाकली तर त्याने 16 सामन्यात 483 धावा केल्या. आयपीएल (IPL 2022) च्या मेगा लिलावापूर्वी गुजरात टायटन्सने शुभमन गिलला 8 कोटी रुपयांमध्ये खरेदी केले होते.
हे देखील वाचा-
महत्त्वाच्या बातम्या
