PCB Central Contract : पाकिस्तान क्रिकेट बोर्डाच्या वार्षिक कराराने क्रिकेटविश्व हादरले; A ग्रेडमध्ये कोणालाच स्थान नाही, बाबर-रिझवानची तर इज्जत काढली!
आशिया कप 2025 च्या आधी पाकिस्तान क्रिकेट बोर्डाने पुढील हंगामासाठी केंद्रीय करार जाहीर केला आहे.
PCB Central Contract : आशिया कप 2025 च्या आधी पाकिस्तान क्रिकेट बोर्डाने पुढील हंगामासाठी केंद्रीय करार जाहीर केला आहे. आश्चर्याची गोष्ट म्हणजे 'अ' श्रेणीत कोणत्याही खेळाडूचे नाव नाही. ज्याच्यावर कालपर्यंत पाकिस्तान अभिमान बाळगत होता, ते बाबर आझम आणि मोहम्मद रिजवान आज स्वतःच्या बोर्डाकडूनच इज्जत काढली. आशिया कप 2025 च्या संघात स्थान न मिळाल्याने निराश झालेल्या बाबर आझम आणि मोहम्मद रिझवान यांना पाकिस्तान क्रिकेट बोर्डाने आणखी एक मोठा धक्का दिला आहे. दोघांनाही 'अ' श्रेणीतून बाहेर पडण्याचा मार्ग दाखवण्यात आला आहे.
'अ' श्रेणीमध्ये कोणालाच स्थान नाही
मनोरंजक गोष्ट म्हणजे पाकिस्तानच्या केंद्रीय करारात 'अ' श्रेणीत नाव नाही. सध्याच्या कोणत्याही खेळाडूकडे 'अ' श्रेणीत समाविष्ट होण्याइतकी ताकद नाही असे म्हणणे चुकीचे ठरणार नाही. पाकिस्तान क्रिकेट बोर्डाने 30 खेळाडूंचा करार केला आहे. पीसीबीने एक अधिकृत निवेदन जारी करून म्हटले आहे की, "हे करार 1 जुलै 2025 ते 30 जून 2026 पर्यंत लागू असतील. या वर्षीच्या यादीत, प्रत्येकी दहा खेळाडूंना बी, सी आणि डी श्रेणीमध्ये ठेवण्यात आले आहे. या सायकलमध्ये कोणत्याही खेळाडूची अ श्रेणीसाठी निवड झालेली नाही हे लक्षात घेण्यासारखे आहे."
बाबर-रिझवानला मोठा धक्का
पीसीबीच्या केंद्रीय करारात कोणत्या श्रेणीत किती पैसे दिले जातील हे नमूद केलेले नाही. स्टार खेळाडू बाबर आझम आणि मोहम्मद रिजवान यांना मागील दोन वर्षांतील सातत्याने झालेल्या खराब कामगिरीची मोठी किंमत चुकवावी लागली आहे. दोघेही आता ब श्रेणीत घसरले आहेत. त्याच वेळी, दरम्यान, आशिया कप 2025 मध्ये पाकिस्तान संघाचे नेतृत्व करणार असलेला सलमान अली आगा याला सी वरून प्रमोशन देत ब श्रेणीत स्थान देण्यात आले आहे.
पाकिस्तानच्या खेळाडूंची केंद्रीय करार यादी
- ब श्रेणीतील (10 खेळाडू) : अबरार अहमद, बाबर आझम, फखर जमान, हरिस रौफ, हसन अली, मोहम्मद रिझवान, सैम अयुब, सलमान अली आगा, शादाब खान आणि शाहीन शाह आफ्रिदी.
- क श्रेणीतील (10 खेळाडू) : अब्दुल्ला शफीक, फहीम अश्रफ, हसन नवाज, मोहम्मद हरिस, मोहम्मद नवाज, नसीम शाह, नोमान अली, साहिबजादा फरहान, साजिद खान आणि सौद शकील.
- ड श्रेणीतील (10 खेळाडू) : अहमद दानियाल, हुसैन तलत, खुर्रम शहजाद, खुशदिल शाह, मोहम्मद अब्बास, मोहम्मद अब्बास आफ्रिदी, मोहम्मद वसीम जूनियर, सलमान मिर्झा, शान मसूद आणि सुफियान मोकीम.
हे ही वाचा -
महत्त्वाच्या बातम्या
