Shoaib Akhtar On Virat Kohli: भारतीय क्रिकेट संघाचा माजी कर्णधार विराट कोहली सध्या त्याच्या कारकिर्दीतील कठीण काळातून जात आहे. जिथे त्याला शतक पूर्ण करण्यास कठीण जात आहे. विराटच्या कामगिरीबाबत पाकिस्तानचा माजी क्रिकेटपटू शोएब अख्तरनं मोठं वक्तव्य केलंय. "विराट कोहलीनं खूप लवकर लग्न केलंय. ज्याचा परिणाम त्याच्या खेळावर होत आहे. मी त्याच्या जागी असतो तर, मी लग्नही केलं नसतं. मी फक्त धावा केल्या असत्या आणि क्रिकेटचा आनंद लुटला असता", असं शोएब अख्तरनं म्हटलंय. 


शोएब अख्तरनं नुकतीच एएनआय वृत संस्थेशी संवाद साधलाय. त्यावेळी त्यानं विराट कोहलीच्या कामगिरीवर भाष्य केलंय. "विराट कोहली भारताचा चांगला फलंदाज आहे. त्याच्याजवळ चांगली संधी आहे. त्याला यापुढे क्रिकेटच्या कोणत्याही फॉरमॅटमधून बाहेर व्हायचं नाही. विराट कोहलीवरही याचा दबाव असणार आहे. विराटनं 120 शतक पूर्ण केल्यानंतर लग्न केलं पाहिजे होतं, अशी माझी इच्छा होती. मी त्याच्या जागी असतो तर मी लग्नही केलं नसतं. मी फक्त धावा केल्या असत्या आणि क्रिकेटचा आनंद लुटला असता. क्रिकेटची ही 10-12 वर्षे वेगळी असतात आणि पुन्हा येत नाही. मी लग्न करण चुकिचं आहे, असं म्हणत नाही. पण जर तुम्हाला भारतासाठी खेळायचं असेल तर तुम्हाला थोडा वेळ मिळाला असता, असंही शोएब अख्तरनं म्हटलंय.


"जर मी भारताचा फास्ट बॉलर असतो. तर, मी कधीच लग्ग केलं नसतं. मी माझं संपूर्ण लक्ष क्रिकेटवर केंद्रीत केलं असतं आणि 400 विकेट्स घेतल्या असत्या. मी माझ्या जबाबदाऱ्या कधीच वाढवल्या नसत्या. हा माझा वैयक्तिक निर्णय असता", असंही शोएब अख्तरनं म्हटलंय. 


विरोट कोहलीनं सप्टेंबर महिन्यात टी-20 संघाच्या कर्णधार पदाचा राजीनामा दिला. यानंतर बीसीसीआयनं त्यांना एकदिवसीय संघाच्या कर्णधार पदावरून हटवलं. मर्यादीत षटकाच्या फॉरमेटमध्ये रोहित शर्मा भारतीय संघाचं कर्णधारपद संभाळत आहे. नुकताच विराट कोहलीनं कसोटी संघाच्या कर्णधारपदाचा राजीनामा दिलाय. दरम्यान, विराट कोहली चांगली कामगिरी केली करत आहे. परंतु, त्याला मोठ्या धावा करण्यात अपयश येत आहे. कोहलीला नोव्हेंबर 2019 पासून कोणत्याही फॉरमॅटमध्ये एकही शतक करता आलं नाही. कोहलीनं आतापर्यंत आंतरराष्ट्रीय क्रिकेटमध्ये एकूण 70 शतक लगावली आहेत.



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha