Ishan Kishan Century in Duleep Trophy 2024 : टीम इंडियाचा स्टार यष्टीरक्षक फलंदाज इशान किशनने प्रथम श्रेणी क्रिकेटमध्ये शतक झळकावून दमदार पुनरागमन केले. दुलीप ट्रॉफीच्या दुसऱ्या फेरीत इंडिया सी कडून खेळताना इशान किशनने इंडिया बी विरुद्ध शानदार शतक झळकावले. इशान किशनने 126 चेंडूंचा सामना करत 111 धावांची खेळी केला आणि 14 चौकारांसह 3 गगनचुंबी षटकार ठोकले. या शतकासह टीकाकारांना चोख प्रत्युत्तर देण्यासोबतच त्याने सोशल मीडियावर दोन शब्दांची पोस्टही शेअर केली आहे.
सामना संपल्यानंतर इशानने इंस्टाग्रामवर दोन शब्दांची पोस्ट शेअर केली आणि लिहिले की, "अपूर्ण काम." इशानची ही पोस्ट व्हायरल होत असून, त्याच्या चाहत्यांनी आणि फॉलोअर्सनी त्यावर भरभरून प्रतिक्रिया दिल्या आहेत.
या शतकासह इशान किशनने पुन्हा एकदा टीम इंडियात पुनरागमनाचे दार ठोठावले आहे. बांगलादेशविरुद्धच्या आगामी कसोटी मालिकेत त्याला स्थान मिळणे कठीण असले तरी टी-20 मालिकेत त्याला नक्कीच संधी मिळू शकते. बांगलादेशविरुद्धच्या टी-20 मालिकेत ऋषभ पंतला विश्रांती दिल्यास किशनचे टीम इंडियात पुनरागमन होऊ शकते.
केंद्रीय करारातून वगळले
इशान किशनने गेल्या वर्षी भारताचे प्रतिनिधित्व केले होते. मानसिक थकव्यामुळे इशानने भारताच्या दक्षिण आफ्रिका दौऱ्यावरून परतण्याचा निर्णय घेतला, तेव्हा चाहत्यांना किंवा बीसीसीआयला ते आवडले नाही. यानंतर इथून इशानसाठी प्रकरणे आणखीनच बिघडत गेली.
एकीकडे तो स्वत:ला अनफिट म्हणत होता, तर दुसरीकडे तो हार्दिकसोबत आयपीएलपूर्वी जिममध्ये घाम गाळत होता. येथून इरफान पठाणसह माजी क्रिकेटपटूंनी त्याच्या वृत्तीवर प्रश्न उपस्थित केले. बीसीसीआय सचिवांच्या विनंतीनंतरही इशान प्रथम श्रेणी क्रिकेट खेळला नाही, तेव्हा त्याला आणि श्रेयस अय्यरला केंद्रीय करारातून वगळण्यात आल्याने त्याची किंमत चुकवावी लागली. किशन आता पुन्हा एकदा टीम इंडियात पुनरागमन करत आहे.
हे ही वाचा -
एका सामन्यात कॉमेंट्री करण्यासाठी किती रुपये मिळतात?; आकाश चोप्राने सांगितला चक्रावणारा आकडा
IPL: आयपीएलमध्ये एकही षटकार मारला नाही; यादीत एका भारतीय खेळाडूचंही नाव
मनू भाकरची पोस्ट चर्चेत; नीरज चोप्रासोबतच्या लग्नाची पुन्हा एकदा रंगली चर्चा, नेमकं कारण काय?