Neeraj Chopra Diamond League: डायमंड लीग स्पर्धेत भारताचा भालाफेकपटू नीरज चोप्राला (Neeraj Chopra) दुसऱ्या स्थानावर समाधान मानावं लागलं. विशेष म्हणजे सराव सत्रादरम्यान डाव्या हाताला झालेल्या दुखापतीनंतरही नीरज चोप्राने डायमंड लीगच्या अंतिम फेरीत सहभाग घेतला.
ग्रेनाडाच्या अँडरसन पीटर्सने पहिल्याच प्रयत्नात 87.87 मीटरची फेक करत मिळवलेली आघाडी कायम राखली. नीरज चोप्राने (Neeraj Chopra) तिसऱ्या प्रयत्नात 87.86 मीटरची फेक करत दुसरे स्थान मिळवले. यानंतर मात्र त्याला याहून सर्वोत्तम फेक करता आली नाही. जर्मनीच्या ज्युलियन वेबरने 85.97 मीटरसह तिसरे स्थान पटकावले. नीरज चोप्राच्या या कामगिरीनंतर नेमबाज मनू भाकरने (Manu Bhaker) पोस्ट करत कौतुक केलं आहे.
मनू भाकरने पोस्ट करत केलं अभिनंदन-
डायमंड लीग स्पर्धेत दुसरं स्थान पटकवल्यानंतर भारताची नेमबाज मनू भाकरने नीरज चोप्राचं अभिनंदन केलं आहे. आणखी एका स्पर्धेत चांगली केल्यानं नीरज तुझं अभिनंदन...आता लवकरात लवकर बरे होऊन, पुढील वर्षांत तुला आणखी यश मिळावे, असं मनू भाकरने म्हटलं आहे.
मनू भाकरच्या पोस्टनंतर पुन्हा लग्नाची रंगली चर्चा-
मनू भाकरने पोस्ट केल्यानंतर नीरज चोप्रासोबतच्या लग्नाच्या चर्चांवर पुन्हा एकदा सोशल मीडियावर चर्चा रंगली आहे. एका युजर्सने म्हटलं की, आता लग्न कधी होणार?, नेटकऱ्यांनी कोणत्या रिअॅक्शन दिल्या, पाहा...
ऑलिम्पिकनंतर रंगल्या होत्या लग्नाच्या चर्चा-
पॅरिस ऑलिम्पिक्सच्या समारोपानंतर नीरज एका कार्यक्रमात दिसला, जिथे मनू आणि तिची आई देखील उपस्थित होती. मनू भाकेर, तिची आई सुमेधा भाकेर आणि नीरज चोप्रा एकमेकांशी बोलत होते. यावरून मनू आणि नीरजच्या नात्यावर चर्चा सुरू झाली. मनू भाकेरची आई आणि नीरज चोप्रा एकमेकांशी संवाद साधत होते, तेव्हा तिच्या आईने नीरजचा हात आपल्या डोक्यावर ठेवत त्याला काहीतरी मनवताना दिसल्या. तर काही वेळाने नीरज मनूशी गप्पा मारताना दिसला. जिथे तिची आईदेखील आजूबाजूला होती. मनूची आई आणि मनू नीरजसोबत व्हिडिओमध्ये बोलताना दिसल्यानंतर अनेकांनी या व्हिडिओवर ‘रिश्ता पक्का’ अशा पद्धतीच्या कमेंट्स केल्या होत्या.