Ind vs Sa : तो ट्रॉफी घेऊन आला अन्.., सूर्यादादाची 'ही' कृती पाहून अख्ख्या भारताला वाटेल अभिमान; माहीभाईचा वारसा नेला पुढे!
सूर्यकुमार यादवच्या नेतृत्वाखाली भारतीय संघाने दक्षिण आफ्रिकेविरुद्धच्या चार सामन्यांच्या टी-20 मालिकेतील शेवटचा सामना 135 धावांनी जिंकून मालिका 3-1 ने जिंकली.
India win series 3-1 South Africa : सूर्यकुमार यादवच्या नेतृत्वाखाली भारतीय संघाने दक्षिण आफ्रिकेविरुद्धच्या चार सामन्यांच्या टी-20 मालिकेतील शेवटचा सामना 135 धावांनी जिंकून मालिका 3-1 ने जिंकली. जोहान्सबर्गच्या वांडरर्स स्टेडियमवर खेळल्या गेलेल्या या टी-20 मालिकेतील शेवटच्या सामन्यात टीम इंडियाचा कर्णधार सूर्यकुमार यादवने नाणेफेक जिंकून प्रथम फलंदाजी करण्याचा निर्णय घेतला होता. ज्यामध्ये संजू सॅमसन आणि तिलक वर्मा यांच्याकडून नाबाद शतकी खेळी पाहायला मिळाली, भारताने 20 षटकात 1 विकेट गमावून 283 धावा केल्या. लक्ष्याचा पाठलाग करताना आफ्रिकेचा संघ 18.2 षटकांत 148 धावांवरच ऑलआउट झाला. गोलंदाजीत अर्शदीप सिंगने भारतीय संघाकडून सर्वाधिक 3 विकेट घेतल्या.
मालिका जिंकल्यानंतर भारतीय कर्णधाराने संघातील दोन युवा खेळाडूंना ट्रॉफी देऊन महेंद्रसिंग धोनीने सुरू केलेली परंपरा सुरू ठेवली. माहीने हा ट्रेंड बऱ्याच वर्षांपूर्वी त्याच्या कर्णधारपदाखाली सुरू केला होता, जो विराट कोहली, रोहित शर्मा आणि हार्दिक पांड्यानंतर आता सूर्यकुमार यादवही पुढे नेताना दिसत आहे.
दक्षिण आफ्रिकेत मालिका जिंकल्यानंतर सूर्याने रमणदीप सिंग आणि विजयकुमार व्यासक यांच्याकडे ट्रॉफी दिली. रमणदीपला मालिकेतील शेवटचे दोन सामने खेळण्याची संधी मिळाली, मात्र विजयकुमारला या मालिकेत पदार्पण करता आले नाही. टीम इंडियाच्या विजयी सेलिब्रेशनचा व्हिडिओ सध्या व्हायरल होत आहे.
#TeamIndia seal series victory in style yet again! 🏆🇮🇳#SAvIND #JioCinema #Sports18 #ColorsCineplex #JioCinemaSports pic.twitter.com/rvablJshgs
— JioCinema (@JioCinema) November 15, 2024
एडन मार्करामच्या नेतृत्वाखाली या टी-20 मालिकेत दक्षिण आफ्रिकेच्या संघाची फलंदाजी आणि गोलंदाजी या दोन्ही क्षेत्रांत अत्यंत खराब कामगिरी राहिली, ज्यामुळे टीम इंडिया 283 पर्यंत धावसंख्या गाठली. परंतु लक्ष्याचा पाठलाग करताना तो केवळ 148 धावा करू शकला, ज्यामध्ये त्याची सुरुवात खूपच खराब झाली. आफ्रिकेने पहिल्या चार विकेट केवळ 10 धावांवर गमावल्या होत्या. टी-20 आंतरराष्ट्रीय क्रिकेटच्या इतिहासात दक्षिण आफ्रिकेचा हा आतापर्यंतचा सर्वात मोठा पराभव आहे. याआधी त्यांना गेल्या वर्षी ऑस्ट्रेलियाविरुद्ध 111 धावांनी पराभव स्वीकारावा लागला होता. त्याचवेळी टी-20 आंतरराष्ट्रीय मधील धावांच्या फरकाच्या बाबतीत भारताचा हा तिसरा सर्वात मोठा विजय आहे.
या टी-20 मालिकेत टीम इंडियासाठी संजू सॅमसन आणि तिलक वर्मा फलंदाजीत चमकदार असताना वरुण चक्रवर्ती गोलंदाजीत आपला प्रभाव दाखवण्यात यशस्वी ठरला. या मालिकेत तिलकांच्या बॅटने चार डावात 140 च्या सरासरीने 280 धावा केल्या, तर संजूनेही या मालिकेत 72 च्या सरासरीने 216 धावा केल्या. याशिवाय गोलंदाजीत वरुण चक्रवर्तीने चार सामन्यांत 11.50च्या सरासरीने एकूण 12 विकेट्स घेतल्या, तर अर्शदीप सिंगलाही 8 विकेट घेण्यात यश आले.
हे ही वाचा -
महत्त्वाच्या बातम्या
