India vs Sri Lanka Test Schedule : BCCIची घोषणा अन् गिल ब्रिगेड सज्ज... श्रीलंकेत कसोटीचा महासंग्राम! तारीख, मैदान अन् वेळापत्रक जाणून घ्या एका क्लिकवर
India vs Sri Lanka Test Schedule : भारतीय क्रिकेट नियामक मंडळाने श्रीलंकेविरुद्ध होणाऱ्या आगामी दोन सामन्यांच्या कसोटी मालिकेसाठी भारतीय संघाची घोषणा केली आहे.
India vs Sri Lanka Test Schedule : भारतीय क्रिकेट नियामक मंडळाने (BCCI) श्रीलंकेविरुद्ध होणाऱ्या आगामी दोन सामन्यांच्या कसोटी मालिकेसाठी भारतीय संघाची घोषणा केली आहे. या मालिकेमध्ये भारतीय संघाचे नेतृत्व तरुण स्टार फलंदाज शुभमन गिल याच्याकडे सोपवण्यात आले आहे. ही कसोटी मालिका आयसीसी जागतिक कसोटी चॅम्पियनशिप (WTC) चक्राचा एक महत्त्वाचा भाग असणार आहे. कसोटी मालिकेला सुरुवात होण्यापूर्वी भारतीय संघ कोलंबोमध्ये 07 ऑगस्टपासून चार दिवसांचा सराव सामना खेळणार आहे. श्रीलंकेच्या परिस्थितीशी जुळवून घेण्यासाठी आणि खेळाडूंना लय मिळवण्यासाठी हा सामना अत्यंत महत्त्वाचा ठरेल.
🚨 News 🚨#TeamIndia's squad for the 2⃣-match Test Series against Sri Lanka announced
— BCCI (@BCCI) July 28, 2026
Note: Washington Sundar was not available for selection for the first Test.
More Details ▶️ https://t.co/Vk0Xd8Axmq #SLvIND pic.twitter.com/NuCcKBohMj
कसोटी मालिकेचे संपूर्ण वेळापत्रक (India vs Sri Lanka Test Schedule)
कसोटी मालिकेतील पहिला सामना प्रसिद्ध गाले स्टेडियमवर रंगणार आहे, तर दुसरा सामना कोलंबो येथील ऐतिहासिक सिंहलीज स्पोर्ट्स क्लबमध्ये खेळवला जाईल.
पहिला कसोटी सामना : 15 ते 19 ऑगस्ट (2026) – गाले इंटरनॅशनल स्टेडियम, गाले
दुसरा कसोटी सामना : 23 ते 27 ऑगस्ट (2026) – सिंहलीज स्पोर्ट्स क्लब (SSC), कोलंबो
श्रीलंकेविरुद्धच्या कसोटी मालिकेसाठी भारताचा संघ- (Team India Squad vs Sri Lanka Test Series)
शुभमन गिल (कर्णधार), केएल राहुल (उपकर्णधार), यशस्वी जैस्वाल, ऋषभ पंत (यष्टीरक्षक), साई सुदर्शन, ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन.
स्टार वेगवान गोलंदाज जसप्रीत बुमराह आणि फलंदाज साई सुदर्शन यांचे खेळणे त्यांच्या फिटनेसवर अवलंबून असेल. त्यांना या मालिकेत सहभागी होण्यासाठी बीसीसीआयच्या सेंटर ऑफ एक्सलन्सकडून (CoE) फिटनेस प्रमाणपत्र मिळवावे लागेल.
श्रीलंकेच्या संघाची प्रतीक्षा
यजमान श्रीलंका क्रिकेट बोर्डाने अद्याप या मालिकेसाठी आपल्या संघाची घोषणा केलेली नाही. आपल्या घरच्या मैदानावर भारतीय संघाला रोखण्यासाठी श्रीलंका कोणता संघ निवडते, याकडे सर्वांचे लक्ष लागले आहे. भारतीय संघाने यापूर्वी जून महिन्यात अफगाणिस्तानविरुद्ध एक कसोटी सामना खेळला होता, मात्र तो सामना जागतिक कसोटी चॅम्पियनशिपचा भाग नव्हता. श्रीलंकेविरुद्धची ही मालिका मात्र WTC चक्रात समाविष्ट आहे. गेल्या चक्रात भारतीय संघाला WTC च्या अंतिम फेरीत प्रवेश मिळवता आला नव्हता. त्यामुळे फायनलच्या शर्यतीत आपले स्थान मजबूत करण्यासाठी भारतीय संघाला ही मालिका 2-0 अशी जिंकणे अत्यंत आवश्यक आहे.
हे ही वाचा -
महत्त्वाच्या बातम्या
