INDvsAUS | सिडनी कसोटीपूर्वी टीम इंडियाला कडक पहारा, खेळाडू हॉटेलबाहेर जाऊ शकणार नाहीत

मेलबर्नमधील रेस्टॉरंटमध्ये रोहित शर्मा, ऋषभ पंत, शुभमन गिल, पृथ्वी शॉ, नवदीप सैनी या पाच भारतीय खेळाडूंचा व्हिडिओ व्हायरल झाला होता. या दरम्यान खेळाडूंनी बायो बबल नियमांचं उल्लंघन केल्याचा आरोप होत होता.

मेलबर्न : भारतीय संघ सोमवारी सिडनीला रवाना झाला आहे. भारत आणि ऑस्ट्रेलिया यांच्यातील तिसरा सामना 7 जानेवारीपासून खेळला जाणार आहे. संघ व्यवस्थापनाने खेळाडूंना प्रशिक्षणाशिवाय हॉटेलबाहेर जाण्यास नकार दिला आहे. बीसीसीआयने सोमवारी आयएएनएसला याबाबत पुष्टी केली आहे. खेळाडूंना बायो सिक्युरिटी बबलमध्ये राहणे आणि खेळाडूंनी हॉटेल-ग्राउंड-हॉटेलपुरतेच मर्यादीत राहाण्यास सांगितले आहे.

संघ व्यवस्थापनाच्या सल्ल्याचा अर्थ असा आहे की पुढील दोन आठवड्यांपर्यंत खेळाडू क्वॉरंटाईन राहतील. सिडनीनंतर टीम ब्रिस्बेनमध्येही क्वॉरंटाईन राहणार आहे. सोमवारी, बीसीसीआय आणि क्रिकेट ऑस्ट्रेलिया (सीए) यांनी दोन्ही संघाचे खेळाडू, सपोर्टिंग स्टाफ आणि दोन्ही संघांचे अधिकारी यांची कोविड 19 टेस्ट निगेटिव्ह आली आहे.

बीसीसीआयने सोमवारी सकाळी एका निवेदनात म्हटलं की, 3 जानेवारी 2021 रोजी भारतीय संघाचे खेळाडू आणि सहाय्यक कर्मचारी यांची आरटी-पीसीआर टेस्ट करण्यात आली. सर्व टेस्ट निगेटिव्ह आल्या आहेत. ऑस्ट्रेलियन खेळाडू आणि सामन्याच्या अधिकाऱ्यांची टेस्टही निगेटिव्ह आल्याचे क्रिकेट ऑस्ट्रेलियाच्या प्रवक्त्यांनी सांगितले आहे.

मेलबर्नमधील रेस्टॉरंटमध्ये रोहित शर्मा, ऋषभ पंत, शुभमन गिल, पृथ्वी शॉ, नवदीप सैनी या पाच भारतीय खेळाडूंचा व्हिडिओ व्हायरल झाला होता. या दरम्यान खेळाडूंनी बायो बबल नियमांचं उल्लंघन केल्याचा आरोप होत होता. त्यानंतर हे पाऊल उचलण्यात आल्याचं बोललं जात आहे.

सिडनी मॉर्निग हेराल्डच्या रिपोर्टनुसार, बीसीसीआय यासंदर्भात व्यवहारिक पद्धत अवलंबणार असून पाचही खेळाडूंना बायो बबलचं नियम मोडल्याप्रकरणी दंड आकारण्यात येणार आहे. क्रिकेट ऑस्ट्रेलिया या खेळाडूंना शिक्षा देऊ शकत नाही, कारण हे खेळाडू त्यांचे नाहीत. त्यामुळे यासंदर्भात निर्णय बीसीसीआय घेणार आहे.

दरम्यान, अशी घटना पहिल्यांदा घडत नसून याआधीही भारतीय खेळाडूंनी बायो बबलच्या प्रोटोकॉल्सचं उल्लंघन केल्याचं समोर आलं आहे. विराट कोहली आणि हार्दिक पांड्या यांनी डिसेंबरच्या सुरुवातीला सिडनीतील एका दुकानात खरेदी करताना फोटो काढला होता. तसेच अशाही चर्चा आहेत की, भारतीय संघ ब्रिस्वेनमध्ये होणाऱ्या शेवटच्या कसोटी सामन्यासाठी तिथे जाण्यास तयार नाही. त्याचं कारण म्हणजे, क्वींसलँड सरकारने लागू केलेली लॉकडाऊनची कठोर नियमावली. क्विन्सलँड सरकारने म्हटले आहे की भारतीय संघाने नियमांचे पालन न केल्यास ते खेळू शकणार नाहीत. चार सामन्यांच्या मालिकेत दोन्ही संघ 1-1 च्या बरोबरीत आहे. मालिकेचा तिसरा सामना सात जानेवारीपासून सिडनी क्रिकेट मैदानावर (एससीजी) खेळला जाणार आहे.

महत्त्वाच्या बातम्या :