IND vs WI: अरेच्चा! सूर्यकुमार यादवमुळे बाद झाला ऋषभ पंत, पाहा VIDEO

IND vs WI : भारत आणि वेस्ट इंडिज यांच्यात सुरु असलेल्या एकदिवसीय मालिकेतील पहिला सामना भारताने सहा विकेट्सनी जिंकत मालिकेत 1-0 ची आघाडी घेतली आहे.

Rishabh_Pant

IND vs WI, 1st ODI: भारत विरुद्ध वेस्ट इंडिज (India vs West Indies) यांच्यातील पहिल्या एकदिवसीय सामन्यात भारताने वेस्ट इंडिजला सहा विकेट्सनी मात दिली. या विजयासह भारताने मालिकेतही 1-0 ची आघाडी घेतली आहे. दरम्यान या सामन्यात भारताचा स्टार फलंदाज ऋषभ पंत अजबरित्या धावचीत झाला. यावेळी सूर्यकुमारचा एक शॉट यामागील कारण ठरला. आता नेमकं काय झालं आम्ही तुम्हाला सांगणार आहोत. 

सामन्यात भारताला 177 धावांची गरज होती. रोहितने अर्धशतक पूर्ण करत चांगली सुरुवात केली. पण नंतर विराट, किशन स्वस्तात माघारी परतले. अशावेळी पंत आणि यादव यांनी खेळ सांभाळला. दरम्यान 18 व्या षटकांत ए. जोसेफ गोलंदाजी करत होता. त्यावेळी सूर्यकुमारने एक स्ट्रेट ड्राईव्ह मारला पण तो चेंडू थेट नॉन स्ट्राईकरजवळील स्टम्प्सना लागला. त्यापूर्वी जोसेफ याच्या पायालाही चेंडू लागला होता. दरम्यान त्याचवेळी धाव घेण्यासाठी पंतही काहीसा पुढे आला. ज्यामुळे तो अनपेक्षितरित्या धावचीत झाला. दरम्यान अशाप्रकारे पंत बाद झाल्यानंतर वेस्ट इंडिजच्या निकोलस पूरन यानेही त्याचे सांत्वन केले. 

भारताचा सहा विकेट्सने विजय

सामन्यात नाणेफेक जिंकत भारताने प्रथम गोलंदाजीचा निर्णय घेतला. ज्यानंतर सुरुवातीपासून भारतीय गोलंदाजांनी कसून गोलंदाजी करत वेस्ट इंडिजच्या खेळाडूंना हात खोलण्याची संधी दिलीच नाही. वेस्ट इंडिजकडून सर्वाधिक धावा जेसन होल्डर (57) याने केल्या असून कर्णधार पोलार्डतर शून्यावर बाद झाला. ज्यामुळे संघ 43.5 ओव्हरमध्ये 176 धावांच करु शकला आहे. भारताकडून युझवेंद्र चहलने 4, सुंदरने 3, प्रसिधने 2 आणि सिराजने 1 विकेट घेतली. ज्यानंतर 177 धावा करण्यासाठी मैदानात आलेल्या भारताकडून रोहित आणि इशान यांनी उत्तम सुरुवात केली. पण अर्धशतक होताच 60 धावांवर रोहित बाद झाला. त्यानंतर इशान (28), कोहली (8), पंत (11) हे पटापट तंबूत परतले. पण नंतर सूर्यकुमार यादव (नाबाद 34) आणि दीपक हुडा (नाबाद 26) यांनी अखेरपर्यंत क्रिजवर टीकत राहून भारताचा विजय पक्का केला. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha