Ind vs SA, 3rd Test, 3rd Day Highlights: पंतची एकाकी झुंज सुरु, भारताचा दुसरा डाव रंगतदार स्थितीत

IND vs SA, 3rd Test, Newlands Cricket Ground: भारत आणि दक्षिण आफ्रिका यांच्यातील तिसऱ्या कसोटी सामन्यातील तिसऱ्या दिवशीचा सध्या सुरु असून पंतने भारताचा डाव सांभाळला आहे.

Pant

Ind vs SA, 2nd Innings Highlights: भारत आणि दक्षिण आफ्रिका (Ind vs SA) यांच्यातील तिसरा कसोटी सामन्यातील भारताचा दुसरा डाव सध्या सुरु आहे. पहिल्याडावात 223 धावा केल्यानंतर भारताने 210 धावांत आफ्रिकेला रोखत 13 धावांची आघाडी घेऊन दुसऱ्या डावाला सुरुवात केली. पण भारतीय फलंदाजामध्ये पंत सोडता इतरांना टिकून खेळता आलेले नाही. त्यामुळे भारताची अवस्था 58 ओव्हरनंतर 180 धावांवर 7 बाद अशी झाली आहे. पंत शतकापासून सध्या काही धावा दूर आहे.

आतापर्यंत सामन्यात नाणेफेक जिंकत भारताने फलंदाजी घेतली. त्यानंतर सलामीवीर राहुल, मयांक आणि रहाणे स्वस्तात माघारी परतले. त्यानंतर भारताचा अनुभवी पुजाराने 43 धावा केल्या खऱ्या पण तोही बाद झाला. त्यानंतर विराटने एका बाजूने मोर्चा सांभाळला पण त्याला कोणाची साथ न मिळाल्याने अखेर तोही 79 धावा करुन बाद झाला आणि भारताचा डाव 223 धावांवर आटोपला. सामन्यात टिकून राहण्यासाठी भारतीय गोलंदाजाना चांगली कामगिरी करणं अनिवार्य होतं. त्यानुसार बुमराहने सर्वोत्कृष्ट कामगिरी करत आफ्रिकेचे पाच गडी बाद केले. दुसऱ्या दिवशी भारतीय गोलंदाजानी भेदक मारा करत नऊ गडी तंबूत धाडले. यात बुमराहने 4, शमीने 2 आणि यादवने 2 तर शार्दूलने एक विकेट घेतली. आफ्रिकेकडून कीगन पीटरसनने सर्वाधिक 72 धावा केल्या. ज्यामुळे आफ्रिका 210 धावाच करु शकले. ज्यानंतर 13 धावांची आघाडी घेऊन भारत सध्या दुसरा डाव खेळत आहे.

हे देखील वाचा

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha