Ind vs nz 3rd Test : मुंबईतही भारताचा लाजिरवाणा पराभव, न्यूझीलंडने रचला इतिहास; मालिका 3-0 ने जिंकली, 24 वर्षांनंतर घरच्या मैदानावर टीम इंडियाला क्लीन स्वीप
मुंबईतही भारताचा लाजिरवाणा पराभव, न्यूझीलंडने रचला इतिहास; मालिका 3-0 ने जिंकली, भारतात पहिल्यांदाच घडलं
India vs New Zealand 3rd Test : न्यूझीलंड संघाने मुंबईत भारताला लाजिरवाणा पराभव पत्करावा लागला. तिसऱ्या कसोटीत टीम इंडियाचा 25 धावांनी पराभव करत न्यूझीलंड संघाने मालिका 3-0 अशी जिंकली. या मालिकेत टीम इंडियाची कामगिरी खूपच खराब झाली आहे. भारतीय संघ मायदेशात नाही तर परदेशात खेळतोय असे वाटत होते. टीम इंडियाला तिसऱ्या कसोटी सामन्यात 25 धावांनी पराभव स्वीकारावा लागला. 24 वर्षांनंतर टीम इंडियाने भारतातील कोणत्याही संघाला क्लीन स्वीप केले आहे. भारतीय संघाने 2000 साली दक्षिण आफ्रिकेविरुद्ध शेवटच्या वेळी क्लीन स्वीप केला होता.
#TeamIndia came close to the target but it's New Zealand who win the Third Test by 25 runs.
— BCCI (@BCCI) November 3, 2024
Scorecard - https://t.co/KNIvTEyxU7#INDvNZ | @IDFCFIRSTBank pic.twitter.com/4BoVWm5HQP
दोन्ही संघांमध्ये खेळल्या गेलेल्या या सामन्याबद्दल बोलायचे झाले तर या सामन्यात न्यूझीलंडचा कर्णधार टॉम लॅथमने नाणेफेक जिंकून प्रथम फलंदाजी करण्याचा निर्णय घेतला होता. जिथे त्याने प्रथम फलंदाजी करत 235 धावा केल्या आणि त्याचा संघ सर्वबाद झाला. यानंतर भारतीय संघ फलंदाजीसाठी उतरला. त्याने पहिल्या डावात 263 धावा केल्या आणि 28 धावांची आघाडी घेतली.
भारतीय गोलंदाजांनी दुसऱ्या डावात जबाबदारी चोख पार पाडली आणि न्यूझीलंडला अवघ्या 174 धावांवर ऑलआउट केले. यासह किवी संघाने टीम इंडियाला विजयासाठी केवळ 147 धावांचे लक्ष्य दिले. यावेळी लक्ष्य खूपच लहान वाटत होते, परंतु न्यूझीलंडच्या गोलंदाजांनी ते खूप कठीण केले.
मुंबई कसोटीच्या दुसऱ्या डावात 147 धावांचा पाठलाग करणाऱ्या भारतीय संघासाठी फलंदाजी सर्वात कमकुवत दुवा ठरला. ऋषभ पंतची 64 धावांची खेळी वगळता एकही फलंदाज क्रीझवर टिकू शकला नाही. 11 पैकी फक्त 3 फलंदाज दुहेरी आकडा गाठू शकले. म्हणजे 8 फलंदाजांनी 10 पेक्षा कमी धावा केल्या.
दुसऱ्या डावात कर्णधार रोहित शर्माने 11 धावा केल्या आणि त्याची सलामीची जोडीदार यशस्वी जैस्वालने 5 धावा केल्या. विराट कोहली केवळ 1 धावा करून बाद झाला. त्यांच्याशिवाय शुभमन गिल आणि सरफराज खानने 1-1 धावा केल्या. रवींद्र जडेजा 6 धावा करून बाद झाला, वॉशिंग्टन सुंदर 12 धावा करून, अश्विन 8 धावा करून बाद झाला. आकाश दीप आणि सिराज यांना खातेही उघडता आले नाही आणि सामना 25 धावांनी जिंकला. हा सामना जिंकून न्यूझीलंडने इतिहास रचला आहे.
हे ही वाचा -
महत्त्वाच्या बातम्या
ट्रेंडिंग न्यूज
