Ind vs Aus 5th Test Day 2 : सिडनी कसोटी एका रोमांचक मोडवर, दुसऱ्या दिवशी पडल्या 15 विकेट! टीम इंडियाकडे 145 धावांची आघाडी

भारत आणि ऑस्ट्रेलिया यांच्यातील मालिकेतील शेवटची कसोटी सिडनी क्रिकेट मैदानावर खेळली जात आहे.

पार्श्वभूमी

Australia vs India 5th Test Live Cricket Score : भारत आणि ऑस्ट्रेलिया यांच्यातील मालिकेतील शेवटची कसोटी सिडनी क्रिकेट मैदानावर खेळली जात आहे. सामन्याचा दुसरा दिवस (4 जानेवारी) अतिशय रोमांचक होता आणि एकूण 15 विकेट पडल्या आणि 300 हून अधिक धावा झाल्या. एकूणच दुसरा दिवस गोलंदाजांच्या नावावर होता आणि फलंदाज संघर्ष करताना दिसले. तरीही भारत या सामन्यात पुढे दिसत आहे. दुसऱ्या दिवसाचा खेळ संपेपर्यंत भारताने दुसऱ्या डावात सहा गडी गमावून 141 धावा केल्या आहेत. पहिल्या डावाच्या आधारे टीम इंडियाकडे चार धावांची आघाडी होती. म्हणजे एकूणच आघाडी 145 धावांची झाली आहे. नाणेफेक जिंकून प्रथम फलंदाजी करताना भारताने पहिल्या डावात 185 धावा केल्या. प्रत्युत्तरात ऑस्ट्रेलियाचा पहिला डाव 181 धावांवर संपला.दुसऱ्या दिवसाचा खेळ संपेपर्यंत रवींद्र जडेजा आठ धावांवर तर वॉशिंग्टन सुंदर सहा धावांवर नाबाद आहे. भारतीय संघाची सुरुवात चांगली झाली होती. यशस्वी जैस्वाल आणि केएल राहुल यांनी पहिल्या विकेटसाठी 42 धावांची भागीदारी केली होती. राहुलला (13 धावा) आणि यशस्वीला (22 धावा) बोलंडने आऊट केले. शुभमन गिल 13 धावा करून वेबस्टारच्या चेंडूवर आऊट झाला. विराट कोहली पुन्हा एकदा ऑफ स्टंपच्या बाहेरचा चेंडू खेळताना स्लिपमध्ये झेलबाद झाला. त्याला सहा धावा करता आल्या. बोलंडने पुन्हा एकदा कोहलीची शिकार केली. पंतने 33 चेंडूंत सहा चौकार आणि चार षटकारांच्या मदतीने 61 धावांची तुफानी खेळी केली. त्याचवेळी नितीश रेड्डी सलग तिसऱ्या डावात अपयशी ठरला. त्याला चार धावा करता आल्या. ऑस्ट्रेलियाकडून बोलंडने आतापर्यंत चार विकेट घेतल्या आहेत, तर कमिन्स आणि वेबस्टरला प्रत्येकी एक विकेट मिळाली.त्याआधी ऑस्ट्रेलियासाठी दुसऱ्या दिवसाही खराब सुरुवात झाली. जसप्रीत बुमराहने मार्नस लॅबुशेनला अवघ्या 15 धावांवर बाद करून ऑस्ट्रेलियाला दुसऱ्या दिवसाच्या सुरुवातीलाच धक्का दिला. यानंतर दिवसाच्या नवव्या षटकात मोहम्मद सिराजने सॅम कॉन्स्टास आणि ट्रॅव्हिस हेड या दोघांनाही बाद करून ऑस्ट्रेलियाला दोन मोठे धक्के दिले. 39 धावांवर चार विकेट गमावल्यानंतर ऑस्ट्रेलिया बॅकफूटवर होता.यानंतर अनुभवी स्टीव्ह स्मिथने पदार्पणाची कसोटी खेळणाऱ्या ब्यू वेबस्टरसोबत पाचव्या विकेटसाठी 57 दिवसांची भागीदारी केली आणि ऑस्ट्रेलियाच्या डावाची धुरा आपल्या हाती घेतली. या दौऱ्यातील पहिला कसोटी सामना खेळत असलेल्या प्रसिद्ध कृष्णाने स्मिथला 33 धावांवर आऊट करून भारताला मोठे यश मिळवून दिले. यानंतर ॲलेक्स कॅरीने 21 धावा केल्या आणि वेबस्टरसोबत 41 धावांची आणखी एक महत्त्वाची भागीदारी केली.भारतीय वेगवान गोलंदाजांनी धमाकेदार कामगिरी दुसऱ्या सत्रात केवळ एकच षटक टाकल्यानंतर बुमराह मैदानाबाहेर गेला होता, मात्र असे असतानाही भारतीय गोलंदाजांनी ऑस्ट्रेलियाच्या खालच्या फळीतील फलंदाजांना जास्त धावा करू दिल्या नाहीत. ऑस्ट्रेलियाने शेवटच्या चार विकेट केवळ 44 धावांत गमावल्या. भारताकडून सिराज आणि कृष्णाने प्रत्येकी तीन तर बुमराह आणि नितीश रेड्डी यांनी प्रत्येकी दोन विकेट घेतल्या.

04/01/2025 12:40:04

Ind vs Aus 5th Test Day 2 : दुसऱ्या दिवसाचा खेळ संपला, भारताने ऑस्ट्रेलियावर घेतली 145 धावांची आघाडी

दुसऱ्या दिवसाचा खेळ संपेपर्यंत भारताने दुसऱ्या डावात सहा गडी गमावून 141 धावा केल्या आहेत. पहिल्या डावाच्या आधारे टीम इंडियाकडे चार धावांची आघाडी होती. अशा स्थितीत भारतीय संघाची एकूण आघाडी 145 धावांची झाली आहे. नाणेफेक जिंकून प्रथम फलंदाजी करताना भारताने पहिल्या डावात 185 धावा केल्या. प्रत्युत्तरात ऑस्ट्रेलियाचा पहिला डाव 181 धावांवर संपला.

04/01/2025 11:57:03

Ind vs Aus 5th Test Day 2 Live : कमिन्सने पंतच्या तुफानी खेळीला लावला पूर्णविराम! भारताचा निम्मा संघ पॅव्हेलियनमध्ये

124 धावांवर भारताला पाचवा धक्का बसला. ऋषभ पंत 33 चेंडूंत सहा चौकार आणि चार षटकारांच्या मदतीने 61 धावांची तुफानी खेळी खेळून बाद झाला. कमिन्सने त्याला आऊट केले. सध्या नितीश रेड्डी आणि रवींद्र जडेजा क्रीजवर आहेत.

04/01/2025 11:47:55

Ind vs Aus 5th Test Day 2 Live : सिडनीमध्ये पंतचे वादळ, 29 चेंडूत ठोकले अर्धशतक, भारताकडे 128 धावांची आघाडी

सिडनीमध्ये पंतचे वादळ पाहायला मिळत आहे. त्याने 29 चेंडूत अर्धशतक झळकावले. त्याचे कसोटी कारकिर्दीतील हे 15 वे अर्धशतक होते. त्याने डावाच्या 22व्या षटकात मिचेल स्टार्कच्या चेंडूवर सलग दोन षटकार ठोकले. पहिला षटकार मारताच त्याचे अर्धशतक पूर्ण झाले. पंत आणि जडेजा यांच्यात आतापर्यंत पाचव्या विकेटसाठी 46 धावांची भागीदारी झाली आहे. भारताने चार गड्यांच्या मोबदल्यात 124 धावा केल्या असून टीम इंडियाची आघाडी 128 धावांची आहे.

 

04/01/2025 11:43:04

भारताला चौथा धक्का

भारताला 78 धावांवर चौथा धक्का बसला आहे. ब्यू वेबस्टरने शुभमन गिल आऊट केले. गिल 13 धावा करू शकला. भारताची टॉप ऑर्डर पुन्हा अपयशी ठरली. तत्पूर्वी, यशस्वी 22 धावा केल्यानंतर, केएल राहुल 13 धावा करून आणि विराट कोहली 6 धावा करून बाद झाला. सध्या रवींद्र जडेजा आणि ऋषभ पंत क्रीजवर आहेत.

04/01/2025 11:10:56

Ind vs Aus 5th Test Day 2 Live : बोलंडने पुन्हा केली किंग कोहलीची शिकार

विराट कोहली पुन्हा एकदा अपयशी ठरला आहे. बोलंडने पुन्हा एकदा ऑफस्टंपच्या बाहेर जाणाऱ्या चेंडूशी छेडछाड करताना कोहली सहा धावा करून तो आऊट झाला. भारताची धावसंख्या तीन विकेटवर 68 धावा आहे. ऋषभ पंत आणि शुभमन गिल क्रीजवर आहेत. पंतने येताच पहिल्याच चेंडूवर षटकार ठोकला. टीम इंडियाची एकूण आघाडी 72 धावांची आहे.

04/01/2025 10:45:32

Ind vs Aus 5th Test Day 2 Live : KL राहुलपाठोपाठ जैस्वालही आऊट

भारताला दुसरा धक्का 47 धावांवर बसला आहे. केएल राहुलनंतर स्कॉट बोलंडने यशस्वी जैस्वालला पॅव्हेलियनमध्ये पाठवले. पाच धावांच्या अंतरात भारताने दोन विकेट गमावल्या आहेत. राहुल 42 धावांवर बाद झाला. राहुलला 13 तर यशस्वीला 22 धावा करता आल्या.

04/01/2025 10:13:31

Ind vs Aus 5th Test Day 2 Live : टीम इंडियाची चांगली सुरुवात

टीम इंडियाने दुसऱ्या डावात चांगली सुरुवात केली आहे. पहिल्या 3 षटकांनंतर भारताने कोणतेही नुकसान न करता 17 धावा केल्या आहेत. यशस्वी जैस्वाल 17धावा करून खेळत आहे. यापैकी त्याने पहिल्याच षटकात 16 धावा केल्या.

04/01/2025 09:41:08

Ind vs Aus 5th Test Day 2 Live : ऑस्ट्रेलिया पहिला डावात 181 धावांवर ऑलआऊट

सिडनी कसोटीच्या पहिल्या डावात ऑस्ट्रेलियन संघ 181 धावांवर ऑलआऊट झाला आहे. त्यामुळे भारताला 4 धावांची आघाडी मिळाली आहे. दुसऱ्या दिवशी कर्णधार जसप्रीत बुमराहने दुखापतीमुळे मैदान सोडले पण त्याच्याशिवाय सिराज आणि प्रसिद्ध कृष्णाने शानदार गोलंदाजी करत ऑस्ट्रेलियाला ऑलआऊट केले. भारताकडून सिराज आणि कृष्णाने 3-3 तर बुमराह आणि नितीश कुमार रेड्डी यांनी 2-2 विकेट घेतल्या.

04/01/2025 08:45:12

Ind vs Aus 5th Test Day 2 Live : ऑस्ट्रेलियाला 137 धावांवर सहावा धक्का, प्रसिद्ध कृष्णाने स्मिथपाठोपाठ कॅरीची केली शिकार

ऑस्ट्रेलियाला 137 धावांवर सहावा धक्का बसला. प्रसिद्ध कृष्णा अप्रतिम गोलंदाजी करत असून त्याने स्टीव्ह स्मिथला (33) बाद केल्यानंतर ॲलेक्स कॅरीला क्लीन बोल्ड केले. कॅरीला 21 धावा करता आल्या. सध्या कर्णधार पॅट कमिन्स आणि ब्यू वेबस्टर क्रीजवर आहेत. ऑस्ट्रेलिया अजूनही भारताच्या स्कोअरपेक्षा 48 धावांनी मागे आहे.

 

04/01/2025 07:14:42

Ind vs Aus 5th Test Day 2 Live : लंच ब्रेक

दुसऱ्या दिवशी उपाहारापर्यंत ऑस्ट्रेलियाने पहिल्या डावात पाच गडी गमावून 101 धावा केल्या होत्या. सध्या ब्यू वेबस्टर 28 धावांवर नाबाद असून ॲलेक्स कॅरी चार धावांवर नाबाद आहे. भारताने पहिल्या डावात 185 धावा केल्या होत्या. या बाबतीत ऑस्ट्रेलियन संघ अजूनही 84 धावांनी मागे आहे. आज ऑस्ट्रेलियाने एका विकेटवर नऊ धावांवर खेळण्यास सुरुवात केली आणि 92 धावा करताना चार विकेट गमावल्या.

04/01/2025 07:10:43

Ind vs Aus 5th Test Day 2 Live : ऑस्ट्रेलियाला पाचवा धक्का

ऑस्ट्रेलियाला 96 धावांवर पाचवा धक्का बसला. स्टीव्ह स्मिथ 33 धावा करून बाद झाला. प्रसिद्ध कृष्णाने त्याला आऊट केले. ऑस्ट्रेलियाला आजचा हा चौथा धक्का आहे. स्मिथ आणि वेबस्टरमध्ये पाचव्या विकेटसाठी 57 धावांची भागीदारी झाली. सध्या ॲलेक्स कॅरी आणि ब्यू वेबस्टर क्रीजवर आहेत. 

04/01/2025 07:10:27

Ind vs Aus 5th Test Day 2 Live : एका षटकात सिराजने केल्या दोन शिकार

दुसऱ्या दिवशी सिराजचा कहर पाहिला मिळत आहे. त्याने एकाच षटकात दोन विकेट घेतल्या. ऑस्ट्रेलियाच्या पहिल्या डावातील 12व्या षटकात सिराजने कॉन्स्टास आणि ट्रॅव्हिस हेडला बाद केले. कॉन्स्टास 38 चेंडूत 23 धावा करून बाद झाला आणि हेडने चार धावा केल्या.  

04/01/2025 07:10:12

Ind vs Aus 5th Test Day 2 Live : ऑस्ट्रेलियाला दुसरा धक्का

15 धावांवर ऑस्ट्रेलियाला दुसरा धक्का बसला आहे. बुमराहने लॅबुशेन आऊट केले. त्याला दोन धावा करता आल्या. सध्या सॅम कोन्स्टास आणि स्टीन स्मिथ क्रीजवर आहेत.