IND vs SL : अखेरच्या टी20 सामन्यात श्रीलंका संघात एक महत्त्वाचा बदल, टीम इंडिया उतरणार तोच संघ घेऊन, पाहा दोन्ही संघाची Playing 11
IND vs SL T20 : भारत विरुद्ध श्रीलंका तिसऱ्या आणि निर्णायक टी20 सामन्यात नाणेफेक जिंकत भारताने प्रथम फलंदाजी करण्याचा निर्णय़ घेतला आहे.
India vs Sri Lanka, Playing 11 : आज राजकोटच्या सौराष्ट्र क्रिकेट स्टेडियमवर भारत विरुद्ध श्रीलंका (IND vs SL) टी20 सामना खेळवला जात आहे. श्रीलंका दौऱ्यातील हा अखेरचा टी20 सामना आहे. दोन्ही संघानी एक-एक सामना जिंकल्याने आजचा सामना जिंकणारा संघ मालिकाही जिंकेल. दरम्यान आजच्या या करो या मरो च्या सामन्यात भारतीय संघाने एकही बदल न करता दुसऱ्या टी20 मध्ये उतरवलेलीच टीम मैदानात उतरवली आहे.
कशी आहे टीम इंडिया?
हार्दिक पांड्या (कर्णधार), सूर्यकुमार यादव (उपकर्णधार), ईशान किशन (विकेटकिपर), शुभमन गिल, राहुल त्रिपाठी, दीपक हुडा, अक्षर पटेल, शिवम मावी, उमरान मलिक, अर्शदीप सिंग, युजवेंद्र चहल
View this post on Instagram
दुसरीकडे श्रीलंका संघाचा जर विचार केला तर श्रीलंकेचा संघ एका बदलासह मैदानात उतरत आहे. श्रीलंका टीम मॅनेजमेंटने भानुका राजपक्षे याच्या जागी अविष्का फर्नांडो याला संघात स्थान दिलं आहे, तर नेमका श्रीलंकेचा संघ कसा आहे पाहूया...
कसा आहे श्रीलंकेचा संघ?
पाथुम निसांका, कुसल मेंडिस(विकेटकिपर), धनंजया डी सिल्वा, चरित असलंका, अविष्का फर्नांडो, दासुन शनाका(कर्णधार), वानिंदू हसरंगा, चमिका करुणारत्ने, महेश थेक्षाना, कसून रजिथा, दिलशान मदुशंका
भारताचा प्रथम फलंदाजीचा निर्णय
राजकोटमधील मैदानाची खेळपट्टी फलंदाजांसाठी खूप उपयुक्त आहे. याचे कारण ही खेळपट्टी अगदी सपाट आहे, जी गोलंदाजांसाठी अडचणी निर्माण करते. ज्यामुळे त्यांना लाईन आणि लेन्थवर फार लक्ष द्यावे लागते. अन्यथा फलंदाजांना चांगलाच फायदा मिळतो. याशिवाय येथील सीमारेषाही 65-70 मीटर आहे. इतर मैदानांच्या तुलनेत काहीशी कमी असल्याने या खेळपट्टीनुसार आज एक मोठा स्कोअर उभा राहून हायस्कोरिंग सामना पाहायला मिळेल.
हे देखील वाचा-
महत्त्वाच्या बातम्या
