एक्स्प्लोर

ICC POTM : 'प्लेअर ऑफ द मंथ'च्या महिला नॉमिनीज जाहीर करताना आयसीसीकडून चूक, सोशल मीडियावर व्हावं लागलं ट्रोल

ICC Player of the month : आयसीसीकडून दरमहिन्याला 'प्लेअर ऑफ द मंथचा पुरस्कार देण्यात येत असून पुरस्कारासाठी आधी तीन नॉमिनीज जाहीर केले जातात.

By : एबीपी ब्युरो | Edited By: शशांक पाटील | Updated at : 08 Dec 2022 09:16 PM (IST)

ICC Player of the month

ICC Player Of the Month : आंतरराष्ट्रीय क्रिकेट नियामक मंडळ अर्थात आयसीसीने (ICC) 6 डिसेंबर रोजी पुरुष आणि महिला क्रिकेटपटूंसाठी 'प्लेअर ऑफ द मंथ'साठी नामांकित खेळाडू जाहीर केले होते. दरम्यान आयसीसीने आपल्या सोशल मीडियाद्वारे महिला आणि पुरुष अशा दोन्ही खेळाडूंच्या नावांसहित फोटोंची पोस्ट शेअर केली होती. पण हे पोस्टर शेअर करणं आयसीसीला एका चूकीमुळं महाग पडलं आयसीसीच्या एका चुकीमुळे नेटकऱ्यांनी त्यांना सोशल मीडियावर चांगलच ट्रोल केलं.

महिला नॉमिनीजची पोस्ट शेअर करताना आयसीसीने चुकून महिलांच्या फोटोंच्या खाली पुरुषांची नावे लिहिली होती. आयसीसीची ही मोठी चूक नेटकऱ्यांनीही लगेच पकडली. ज्यानंतर त्यांना चांगलच ट्रोल करण्यास नेटीजन्सनी सुरुवात केली. तीन महिला क्रिकेटपटूंना 'आयसीसी प्लेयर ऑफ द मंथ'साठी नामांकन मिळाले होते. यात पाकिस्तानची खेळाडू सिद्रा अमीन, थायलंडची नथकन चंथम आणि आयर्लंडची गॅबी ल्यूईस यांचा समावेश आहे. पण या महिला खेळाडूंच्या फोटोंटी पोस्ट शेअर करताना आयसीसीने पुरुष क्रिकेटपटूंची नावे लिहिली होती. या पोस्टरमध्ये सिद्रा अमीनच्या जागी जॉस बटलर, नट्टाकन चँथमच्या जागी आदिल रशीद आणि गॅबी लुईसच्या जागी शाहीन आफ्रिदी अशी नाव लिहिण्यात आली. आयसीसीने ही चूक कळून येत्याच पोस्ट डिलीट करुन नवी पोस्ट केली पण तोवर संबधित पोस्ट बरीच व्हायरल झाली होती.

Saste Nashe😂#ICCPLAYEROFTHEMONTH #Pele #CricketWorldCup pic.twitter.com/Dtu5eaJQXB
— बालकृष्ण चौबे 🇮🇳 (@Balkris15672044) December 6, 2022

Yes 😭😂 pic.twitter.com/OiEuHoOkV3
— MUHAMMAD UMAR (@MUHAMMAD_UMAR_5) December 8, 2022

@icc what is this i thing the intern did a mistake

Lol 😂 😆 pic.twitter.com/TkBdKQvvEJ
— Soham Rathi (@sohamrathi99) December 6, 2022

सिद्रा अमीननेही केलं आयसीसीला ट्रोल

महिला खेळाडूंमध्ये नामांकन मिळालेल्या पाकिस्तानच्या सिद्रा अमीननेही आयसीसीच्या या चुकीवर त्यांना ट्रोल केलं. तिने तिच्या अधिकृत ट्वीटरवरुन ट्वीट करत लिहिलं की, "मी आणि जोस बटलर जुळे आहोत हे माहित नव्हतं." यासोबतच तिने हसणारा इमोजीही शेअर केला. या ट्विटमध्ये सिद्रा अमीनने तोच फोटो वापरला होता ज्यामध्ये आयसीसीने चूक केली होती.