David Miller: काय तुम्हीही डेव्हिड मिलरच्या मुलीच्या निधनाची बातमी शेअर केली? मग ही माहिती नक्कीच वाचा

IND vs SA: दक्षिण आफ्रिकेचा क्रिकेटर डेव्हिड मिलरनं (Davis Miller) सोशल मीडियाद्वारे चिमुकलीसोबतचा फोटो शेअर तिला श्रद्धांजली वाहली.

David Miller

IND vs SA: दक्षिण आफ्रिकेचा क्रिकेटर डेव्हिड मिलरनं (Davis Miller) सोशल मीडियाद्वारे चिमुकलीसोबतचा फोटो शेअर तिला श्रद्धांजली वाहली. मात्र, त्यानंतर डेव्हिड मिलरच्या मुलीचं कर्करोगानं निधन झाल्याची बातमी सोशल मीडिया आणि प्रसार माध्यमांमध्ये वाऱ्यासारखी पसरली. परंतु, या व्हायरल बातमीमागचं सत्य समारे आलं असून संबंधित मुलगी डेव्हिड मिलरच्या जवळच्या मित्राची मुलगी आणि त्याची चाहती असल्याचं समजत आहे. 

डेव्हिड मिलरची भावूक पोस्ट
डेव्हिड मिलरनं काही तासांपूर्वी इंन्स्टाग्रामवर चिमुकलीसोबतच्या फोटोंचा एक व्हिडीओ शेअर केला. या पोस्टच्या कॅप्शनमध्ये  'लिटल रॉकस्टार तुला भावपूर्ण श्रद्धांजली' असं लिहिलं. पुढं मिलर म्हणाला की, "तुझी खूप आठवण येईल. मनानं तू खोपी मोठी होतीस, आयुष्यात संघर्ष करत असतानाही त्याकडं सकारात्मकतेनं पाहिलंस. नेहमीच तुझ्या चेहऱ्यावर स्मितहास्य असायचं. या प्रवासात तुला भेटलेल्या प्रत्येकासाठी तू प्रेरणा होतीस. प्रत्येक क्षण कसा जगायचा? हे तुझ्याकडून मला शिकायला मिळालं."

भारत- दक्षिण आफ्रिका यांच्यातील दुसरा एकदिवसीय सामना सुरू
मिलर सध्या भारताच्या दौऱ्यावर असून टीम इंडियाविरुद्ध एकदिवसीय मालिका खेळत आहे. भारत आणि दक्षिण आफ्रिका यांच्यात आज दुसरा एकदिवसीय सामना खेळला जातोय. या सामन्यात दक्षिण आफ्रिकेच्या संघानं नाणेफेक जिंकून प्रथम फलंदाजी करण्याचा निर्णय घेतला. नियमित कर्णधार टेम्बा बावुमाच्या अनुपस्थितीत केशव महाराज दक्षिण आफ्रिकेच्या संघाचं नेतृत्व करत आहे. 

इंन्स्टाग्राम पोस्ट-

 

 

 

 

 

View this post on Instagram

 

 

 

 

 

 

 

 

 

 

 

A post shared by Dave Miller (@davidmillersa12)

 

हे देखील वाचा-