IND vs ZIM, 2nd ODI, Head to Head Record : आज भारत-झिम्बाब्वे एकदिवसीय सामना, कोणाचं पारडं जड, कसा आहे आजवरचा इतिहास, वाचा सविस्तर
Ind vs Zim : पहिल्या एकदिवसीय सामन्यात भारतीय क्रिकेट संघाने झिम्बाब्वे (India vs Zimbabwe) संघाला मात दिल्यानंतर आज मालिकाविजयाच्या दृष्टीने भारत दुसरा सामना खेळण्यास सज्ज झाला आहे.
India vs Zimbabwe, ODI Record : भारत-झिम्बाब्वे (India vs Zimbabwe) यांच्यात तीन सामन्यांची एकदिवसीय मालिका सुरु असून भारत पहिला सामना (1st ODI) जिंकत मालिकेत 1-0 च्या आघाडीवर आहे. दरम्यान आता दुसरा सामना खेळवला जाणार असून हा जिंकल्यास भारत मालिकेत 2-0 ची विजयी आघाडी घेईल. तर झिम्बाब्वे सामना जिंकून मालिकेत बरोबरी साधण्याचा प्रयत्न करणार आहे. त्यामुळे मालिकेच्या दृष्टीने सामना अत्यंत महत्त्वाचा असल्यान या सामन्यापूर्वी दोन्ही संघाचा आजवरचा एकमेंकाविरुद्धचा इतिहास जाणून घेणं महत्त्वाचं आहे.
भारत- झिम्बाब्वे ODI Head to Head
एकदिवसीय क्रिकेटमध्ये भारत आणि झिम्बाब्वे संघ आतापर्यंत 64 वेळा आमने सामने आले आहेत. यावेळी भारताचं पारडं कमालीचं जड राहिलं असून भारताने या सामन्यांतील 52 सामने जिंकले आहेत. तर, 10 सामने वेस्ट इंडीजने जिंकले आहेत. याशिवाय, दोन सामना अनिर्णित देखील राहिले आहेत. दरम्यान भारताने आताच इंग्लंड आणि वेस्ट इंडीज अशा दोघांना तगडी मात दिली असल्याने आता झिम्बाब्वेलाही भारत मात देण्यास सज्ज झाला आहे.
भारतीय संघ - केएल राहुल (कर्णधार), शिखर धवन (उपकर्णधार), ऋतुराज गायकवाड, शुभमन गिल, दीपक हुडा, राहुल त्रिपाठी, इशान किशन (यष्टीरक्षक), संजू सॅमसन (यष्टीरक्षक), शार्दूल ठाकूर, कुलदीप यादव, अक्षर पटेल, आवेश खान, प्रसिध कृष्णा, मोहम्मद सिराज, दीपक चहर, शाहबाझ अहमद.
झिम्बाब्वे संघ - रेगीस चकाब्वा (कर्णधार), रायन बुर्ल, तनाका चिवांगा, ब्रॅडली इवांस, ल्यूक जाँगवे, इनोसंट काया, ताकूदझ्वँनशी केईतानो, क्लाईव्ह मडांडे (यष्टीरक्षक), वेस्ली मॅदवेर, तदीवांशे मरुमानी, जॉन मसारा, टोनी मुनयोंगो, रिचर्ड येनगारावा, व्हिक्टर एनवायुची, सिकंदर रझा, मिल्टन शुम्बा, डोनाल्ड तिरीपानो.
भारतीय संघात बदल?
पहिल्या वनडेमध्ये भारताने तब्बल 10 विकेट्सनी विजय मिळवला. झिम्बाब्वेचं 190 धावाचं लक्ष भारताच्या गिल आणि धवन जोडीने अनुक्रमे 82 आणि 81 रन करुन पूर्ण केलं. पण असं असतानाही दुसऱ्या सामन्यात केएल राहुल सलामीला येण्याची शक्यता आहे. कारण केएल राहुल मागील बऱ्याच काळापासून दुखापतीमुळे संघाबाहेर होता. आता तो संघात कर्णधार म्हणून आला असताना आगामी आशिया कपसाठी त्याला सराव म्हणून या मालिकेत अधिक खेळणं महत्त्वाचं आहे. त्यामुळे तो सलामीलाच मैदानात उतरु शकतो. याशिवाय राहुल त्रिपाठी यालाही भारतीय संघात आगमन करण्याची संधी दिली जाऊ शकते, ईशान किशनच्या जागी तो खेळू शकतो.
अशी असू शकते भारताची अंतिम 11
सलामीवीर - केएल राहुल आणि शिखर धवन
मिडिल ऑर्डर फलंदाज - दीपक हुडा, शुभमन गिल, संजू सॅमसन (विकेटकीपर) आणि ईशान किशन/राहुल त्रिपाठी.
ऑलराउंडर- अक्षर पटेल
गोलंदाज - कुलदीप यादव, मोहम्मद सिराज, दीपक चाहर आणि प्रसिद्ध कृष्णा.
हे देखील वाचा -
महत्त्वाच्या बातम्या
ट्रेंडिंग न्यूज
