Robin Uthappa : मोठी बातमी : क्रिकेटपटू रॉबिन उथप्पाविरुद्ध अटक वॉरंट जारी, टीम इंडियाचा स्टार खेळाडू अडचणीत! काय आहे प्रकरण?
Robin Uthappa Arrest Warrant Issued News : क्रिकेट विश्वात खळबळ उडून देणारी एक मोठी बातमी समोर येत आहे.
Robin Uthappa Arrest Warrant Issued : क्रिकेट विश्वात खळबळ उडून देणारी एक मोठी बातमी समोर येत आहे. टीम इंडियाचा माजी फलंदाज रॉबिन उथप्पा विरोधात अटक वॉरंट जारी करण्यात आले आहे. 39 वर्षीय फलंदाजावर प्रोविडेंट फंड घोटाळ्याचा आरोप आहे. हे वॉरंट पीएफ आयुक्त सदक्षरी गोपाल रेड्डी यांनी जारी केले आहे. रेड्डी यांनी बजावलेल्या वॉरंटनंतर पुलकेशीनगर पोलिसांना आवश्यक कारवाई करण्याच्या सक्त सूचना देण्यात आल्या आहेत.
खरंतर, सेंच्युरीज लाइफस्टाइल ब्रँड प्रायव्हेट लिमिटेड या कंपनीत रॉबिन उथप्पा व्यवस्थापक आहे. पीएफमधून दरमहा पैसे कापले जात असले तरी ते त्यांच्या पीएफ खात्यात जमा होत नसल्याचा कर्मचाऱ्यांचा आरोप आहे. भारतीय क्रिकेटपटूवर एकूण 23 लाख रुपयांचा गंडा घातल्याचा आरोप आहे. मग त्यांच्यावर कारवाई करण्याच्या सूचना देण्यात आल्या आहेत.
नियमांनुसार, कोणतीही कंपनी जी आपल्या कर्मचाऱ्यांचे पीएफ पॅकेट कापते, त्यांना हे पैसे त्यांच्या पीएफ खात्यात जमा करावे लागतात. तसे न झाल्यास ते कायद्याचे उल्लंघन आणि पैशाचा गैरवापर मानला जातो. उथप्पानेही तेच केले आहे.
वॉरंट जारी होऊनही अद्याप कोणालाही झालेली नाही अटक
पीएफ आयुक्त सदक्षरी गोपाल रेड्डी यांनी 4 डिसेंबर रोजी पुलकेशीनगर पोलिसांना पत्र लिहिले होते. ज्यामध्ये उथप्पाविरोधात अटक वॉरंट जारी करण्यात आले होते. पण पोलिसांनी वॉरंट पीएफ ऑफिसला परत केले की, उथप्पाने त्याचे राहण्याचे ठिकाण बदलले आहे.
भारताकडून दीर्घकाळ खेळणारा आणि नंतर आयपीएलमध्ये कोलकाता नाईट रायडर्स आणि चेन्नई सुपर किंग्जकडून तुफानी फलंदाजी करणारा उथप्पा सप्टेंबर 2022 मध्ये आंतरराष्ट्रीय क्रिकेटमधून निवृत्त झाला. त्यानंतर तो आता लेजेंड्स क्रिकेट लीगमध्ये खेळताना दिसतो. अलीकडेच हाँगकाँग सिक्स स्पर्धेत भाग घेतला आणि उत्कृष्ट फलंदाजी केली.
उथप्पाने भारतासाठी 48 एकदिवसीय सामने खेळले असून 934 धावा केल्या आहेत. या काळात त्याचा स्ट्राईक रेट 90.59 होता. उथप्पाने भारतासाठी एकूण 13 टी-20 सामने खेळले असून 249 धावा केल्या आहेत. त्याने एकदिवसीय क्रिकेटमध्ये सहा अर्धशतके आणि एकदिवसीय सामन्यात एक अर्धशतक झळकावले आहे.
हे ही वाचा -
महत्त्वाच्या बातम्या
ट्रेंडिंग न्यूज
