Arjun Tendulkar Wife Saaniya Chandhok : सचिन तेंडुलकरची सूनबाई झाली प्राण्यांची डॉक्टर, सानिया चंडोकने शेअर केले फोटो, नणंदबाई साराची कमेंट तुफान व्हायरल
Arjun Tendulkar Wife Saaniya Chandhok Veterinarian : क्रिकेटचा देव अशी ओळख असलेल्या सचिन तेंडुलकर यांच्या कुटुंबात आणखी एक आनंदाची बातमी समोर आली आहे.
Arjun Tendulkar Wife Saaniya Chandhok Veterinarian : क्रिकेटचा देव अशी ओळख असलेल्या सचिन तेंडुलकर यांच्या कुटुंबात आणखी एक आनंदाची बातमी समोर आली आहे. त्यांचा मुलगा आणि क्रिकेटपटू अर्जुन तेंडुलकर याची पत्नी सानिया चंडोक हिने आपल्या प्रोफेशनल आयुष्यात एक महत्त्वाचं यश मिळवलं आहे. सानिया आता सर्टिफाइड वेटरनरी टेक्निशियन झाली आहे. विशेष म्हणजे, तिने प्राण्यांची काळजी आणि आरोग्यसेवेशी संबंधित हे प्रमाणपत्र वर्ल्डवाइड व्हेटर्नरी सर्व्हिस (WVS) च्या एबीसी कार्यक्रमातून मिळवलं आहे.
सानियाने सोशल मीडियावर आपल्या या खास उपलब्धीची माहिती चाहत्यांसोबत शेअर केली. तिने पोस्टसोबत एक फोटोही शेअर केला असून, त्यामध्ये ती एका डॉगची तपासणी आणि काळजी घेताना दिसत आहे. तिच्या या पोस्टनंतर चाहत्यांनी तिच्यावर शुभेच्छांचा वर्षाव केला. विशेष म्हणजे, अर्जुनची बहीण आणि सानियाची नणंद सारा तेंडुलकर हिनेही तिच्या या पोस्टला लाइक करत आनंद व्यक्त केला.
प्राण्यांची सेवा करण्यासाठी घेतलं विशेष प्रशिक्षण
सानियाने शेअर केलेल्या पोस्टमधून तिचं प्राण्यांवरील प्रेम आणि त्यांच्यासाठी काम करण्याची इच्छा स्पष्टपणे दिसून येते. वेटरनरी टेक्निशियन म्हणून मिळालेल्या प्रशिक्षणामध्ये प्राण्यांच्या आरोग्याची निगा, त्यांच्या तपासणीशी संबंधित प्राथमिक प्रक्रिया आणि दैनंदिन वैद्यकीय काळजी यांसारख्या महत्त्वाच्या बाबींचा समावेश असतो. WVS च्या एबीसी कार्यक्रमाच्या माध्यमातून सानियाने हे प्रशिक्षण पूर्ण केलं असून, आता तिने पेट केअर क्षेत्रात स्वतःची व्यावसायिक ओळख आणखी मजबूत केली आहे.
View this post on Instagram
आधीपासूनच आहे पेट केअरचा व्यवसाय
सानिया चंडोक केवळ वेटरनरी टेक्निशियन झालेली नाही, तर ती एक उद्योजिकाही आहे. मुंबईमध्ये ती मिस्टर पॉज पेट स्पा अँड स्टोअर एलएलपी हा पेट केअर व्यवसाय चालवते. या व्यवसायामध्ये पाळीव प्राण्यांसाठी ग्रूमिंग, स्किनकेअर आणि वेलनेसशी संबंधित सेवा दिल्या जातात. म्हणजेच, सानियासाठी प्राण्यांची काळजी घेणं हे केवळ व्यवसायापुरतं मर्यादित राहिलेलं नाही. तिने या क्षेत्रात अधिक ज्ञान आणि कौशल्य मिळवण्यासाठी व्यावसायिक प्रशिक्षणही घेतलं आहे. त्यामुळे तिच्या नव्या प्रमाणपत्रामुळे पेट केअर क्षेत्रातील तिच्या कामाला आणखी वेग मिळण्याची शक्यता आहे.
मार्चमध्ये अर्जुन तेंडुलकरसोबत लग्न
सानिया चंडोक आणि अर्जुन तेंडुलकर यांनी 5 मार्च 2026 रोजी लग्न केलं. अर्जुन हा महान क्रिकेटपटू सचिन तेंडुलकर आणि अंजली तेंडुलकर यांचा मुलगा आहे. मुंबईतील एका आलिशान हॉटेलमध्ये पार पडलेल्या या विवाहसोहळ्याला क्रिकेट, बॉलिवूड आणि उद्योगविश्वातील अनेक दिग्गजांनी उपस्थिती लावली होती. लग्नाआधीपासूनच अर्जुन आणि सानिया यांच्या नात्याची चर्चा होती. सानियाचे तेंडुलकर कुटुंबाशीही जुने संबंध असल्याचं सांगितलं जातं. अर्जुनची बहीण सारा तेंडुलकरसोबतही तिचं चांगलं बॉन्डिंग असल्याचं अनेकदा दिसून आलं आहे.
हे ही वाचा -
महत्त्वाच्या बातम्या
