Anvay Dravid KSCA Awards: 46 चौकार, 2 षटकारांसह 459 धावा..., राहुल द्रविडचा धाकटा मुलगा चमकला; अन्वय द्रविडने वेधलं लक्ष
Anvay Dravid KSCA Awards: भारताचा माजी दिग्गज क्रिकेटपटू राहुल द्रविडचा मुलगा अन्वय द्रविडला कर्नाटक राज्य क्रिकेट असोसिएशनच्या (केएससीए) वार्षिक पुरस्कार सोहळ्यात सन्मानित करण्यात आले आहे.
Anvay Dravid KSCA Awards: भारतीय क्रिकेट संघाचा फलंदाज मयंक अग्रवाल आणि भारताचा माजी दिग्गज क्रिकेटपटू राहुल द्रविडचा (Rahul Dravid) मुलगा अन्वय द्रविडला (Anvay Dravid) कर्नाटक राज्य क्रिकेट असोसिएशनच्या (केएससीए) वार्षिक पुरस्कार सोहळ्यात सन्मानित करण्यात आले आहे. 16 वर्षांखालील विजय मर्चंट ट्रॉफीमध्ये कर्नाटकसाठी सर्वाधिक धावा केल्याबद्दल अन्वय द्रविडला सलग दुसऱ्यांदा सन्मानित करण्यात आले.
46 चौकार आणि 2 षटकारांसह 91.80 च्या सरासरीने दोन शतके ठोकली- (Anvay Dravid KSCA Awards)
अन्वयने सहा सामन्यांमध्ये आठ डावांमध्ये 459 धावा केल्या, 46 चौकार आणि 2 षटकारांसह 91.80 च्या सरासरीने दोन शतके देखील झळकावली. अन्वय द्रविडसह मयंक अग्रवाल आणि आर. स्मरन यांनाही पुरस्कारांनी सन्मानित करण्यात आले. विजय हजारे ट्रॉफीमध्ये कर्नाटकचा सर्वाधिक धावा करणारा फलंदाज म्हणून मयंक अग्रवालला हा पुरस्कार मिळाला. मयंक अग्रवाललने 93 च्या सरासरीने 651 धावा केल्या.
आर. स्मरनलाही पुरस्कार- (R Smaran KSCA Awards)
रणजी ट्रॉफीमध्ये त्याच्या कामगिरीबद्दल आर. स्मरनलाही सन्मानित करण्यात आले. स्मरनने 64.50 च्या सरासरीने 516 धावा केल्या, ज्यामध्ये दोन शतके होती. कर्नाटकचा यष्टीरक्षक-फलंदाज केएल श्रीजीतलाही केएससीए पुरस्कार सोहळ्यात सन्मानित करण्यात आले. सय्यद मुश्ताक अली ट्रॉफीमध्ये सर्वाधिक धावा (213) केल्याबद्दल त्याला हा पुरस्कार मिळाला. गेल्या वर्षीही अन्वय द्रविडने मालिकेत सर्वाधिक धावा केल्या ज्यामुळे त्याला हा पुरस्कार मिळाला. गेल्या वर्षी अन्वय द्रविडने पाच सामन्यांमध्ये 45 च्या सरासरीने 257 धावा केल्या, ज्यात चार अर्धशतकांचा समावेश होता.
वासुकी कौशिक सर्वोत्तम गोलंदाज- (Vasuki Koushik)
गोलंदाजी श्रेणीतील वार्षिक पुरस्कार वासुकी कौशिकला मिळाला. कौशिकने 23 विकेट्स घेतल्या आणि आगामी 2025-26 देशांतर्गत हंगामापूर्वी गोवा संघात सामील झाला आहे.
श्रीजित आणि श्रेयस गोपालही चमकले- (Shreyas Gopal)
कर्नाटक आणि मुंबई इंडियन्सचा यष्टीरक्षक-फलंदाज केएल श्रीजितला 213 धावांसह सय्यद मुश्ताक अली ट्रॉफीचे नेतृत्व केल्याबद्दल पुरस्कार देण्यात आला. लेग-स्पिनर श्रेयस गोपालने 14 विकेट्ससह गोलंदाजीचा पुरस्कार पटकावला.
ही बातमीही वाचा:
महत्त्वाच्या बातम्या
