Akash Deep Duleep Trophy : बांगलादेश कसोटी मालिकेपूर्वी बिहारच्या लालची कमाल! घेतल्या 9 विकेट, BCCI देणार संधी?

Duleep Trophy : दुलीप ट्रॉफी 2024 ची पहिली फेरी 5 सप्टेंबरपासून सुरू झाली आहे, ज्यामध्ये एक सामना तीन दिवसात संपला आहे तर...

Akash Deep nine-wicket haul in Duleep Trophy

Source : Akash Deep nine-wicket haul in Duleep Trophy

India Squad for Bangladesh Test Series : दुलीप ट्रॉफी 2024 ची पहिली फेरी 5 सप्टेंबरपासून सुरू झाली आहे, ज्यामध्ये एक सामना तीन दिवसात संपला आहे, तर दुसरा सामना भारत अ आणि ब यांच्यात बेंगळुरूमध्ये खेळला जात आहे. या सामन्यात खेळणारे अनेक खेळाडू आहेत ज्यांनी बांगलादेशविरुद्धच्या आगामी कसोटी मालिकेपूर्वी चांगली कामगिरी करून निवडकर्त्यांचा विश्वास जिंकायचा आहे. 

यापैकी एक नाव आहे बंगालचा वेगवान गोलंदाज आकाश दीपचे, जो दुलीप ट्रॉफीमध्ये भारत अ संघाचा भाग आहे. पहिल्या फेरीत त्याने आपल्या गोलंदाजीने भारताच्या कसोटी संघात स्थान मिळवण्यासाठी दावा ठोकला आहे.

आकाश दीपची घातक गोलंदाजी

इंडिया बी च्या फलंदाजीमध्ये यशस्वी जैस्वाल, ऋषभ पंत, सरफराज खान यांच्यासह अनेक उत्कृष्ट खेळाडूंचा समावेश होता, पण आकाश दीपने आपल्या जबरदस्त गोलंदाजीने दोन्ही डावात चमकदार गोलंदाजी केली. पहिल्या डावात त्याने 7 मेडन्ससह 27 षटकात 60 धावा दिल्या आणि 4 विकेट घेतल्या, तर दुसऱ्या डावात त्याने 7 मेडन्ससह 14 षटकात 56 धावा दिल्या आणि पाच जणांची शिकार केली. अशा प्रकारे, त्याने दोन्ही डावांसह एकूण 9 विकेट घेतल्या. त्याच्या घातक गोलंदाजीमुळे इंडिया बी दुसऱ्या डावात अवघ्या 184 धावांत आटोपला आणि इंडिया ए संघाला विजयासाठी 275 धावांचे लक्ष्य मिळाले.

बांगलादेश मालिकेत मिळू शकते संधी

आकाश दीपने या वर्षी मार्चमध्ये रांची येथे इंग्लंडविरुद्ध खेळल्या गेलेल्या कसोटी सामन्याने आपल्या आंतरराष्ट्रीय कारकिर्दीची सुरुवात केली. त्याचवेळी, आता त्याने बांगलादेशविरुद्ध 19 सप्टेंबरपासून होणाऱ्या दोन सामन्यांच्या कसोटी मालिकेसाठीही आपला दावा मांडला आहे. जसप्रीत बुमराह विश्रांतीमुळे आगामी कसोटी मालिकेत खेळणार नसल्याचे मानले जात आहे, तर मोहम्मद शमी अद्याप पूर्णपणे तंदुरुस्त नाही.

अशा परिस्थितीत मोहम्मद सिराजला पाठिंबा देण्यासाठी काही युवा वेगवान गोलंदाजांवर विश्वास दाखवला जाऊ शकतो, ज्यात आकाशसह मुकेश कुमारचा समावेश आहे. मात्र, आता आकाशने आपल्या कामगिरीने निवडकर्त्यांचे लक्ष वेधून घेतले असेल. मीडिया रिपोर्ट्सनुसार, दुलीप ट्रॉफीच्या पहिल्या फेरीनंतर भारताच्या कसोटी संघाची घोषणा केली जाऊ शकते.

हे ही वाचा -