Indian Hockey Wins Silver : भारतीय हॉकी संघाचं गोल्ड हुकलं! ऑस्ट्रेलियाकडून 7-0 ने दारुण पराभव
CWG 2022 : भारतीय पुरुष हॉकी संघाला फायनलच्या सामन्यात ऑस्ट्रेलियन संघाने 7-0 अशा मोठ्या फरकाने मात दिली. त्यामुळे ऑस्ट्रेलियाचं कॉमनवेल्थमधील वर्चस्व कायम राहिलं आणि भारताला रौप्य पदकावर समाधान मानावं लागलं आहे.
Commonwealth Games 2022 : इंग्लंडच्या बर्मिंगहममध्ये सुरु कॉमनवेल्थ स्पर्धेत (Commonwealth Games 2022) नुकतीच पार पडली. या भव्य स्पर्धेतील एक महत्त्वाचा खेळ असणाऱ्या हॉकीमध्ये पुरुषांच्या गटात भारताला ऑस्ट्रेलियाने 7-0 अशा मोठ्या फरकाने मात दिली. ज्यामुळे भारताला रौप्य पदकावर समाधान मानावं लागलं आहे.
फायनलमध्ये भारतीय पुरुष हॉकी संघ आणि ऑस्ट्रेलिया पुरुष हॉकी संघ (India Men's Hockey Team vs Australia Hockey Team) हे संघ आमने-सामने होते. अत्यंत महत्त्वाच्या अशा अंतिम सामन्यात मात्र भारत सुरुवातीपासून पिछाडीवर असल्याचं दिसत होतं. ऑस्ट्रेलिया पहिल्या क्वॉर्टरपासून गोलवर गोल करत होती. संपूर्ण सामन्यात एकही गोल भारताला करता आला नसल्याने अखेर भारत 7-0 ने पराभूत झाला.
SILVER IT IS!! 🏑
— SAI Media (@Media_SAI) August 8, 2022
Men in Blue🇮🇳 put up a valiant effort in their Final match against Australia. They settle with silver 🥈at the #CommonwealthGames2022.
We wish them the very best for their future and hope to see them make a COMEBACK!!!👍#India4CWG2022 pic.twitter.com/tulAr6Q1lZ
ऑस्ट्रेलिया भारतावर कायम भारी
भारताला आज पत्कराव्या लागलेल्या या मोठ्या पराभवामागे इतिहासही कारणीभूत आहे. भारत ऑस्ट्रेलियाविरुद्ध कायमच पिछाडीवर राहिला आहे. भारताला गेल्या वर्षी टोक्यो ऑलम्पिक स्पर्धेत ऑस्ट्रेलियाकडून 1-7 असा पराभव स्वीकारावा लागला होता. आतापर्यंतच्या आकडेवारीवर नजर टाकता भारतीय हॉकी संघ ऑस्ट्रेलियासमोर डगमताना दिसला आहे. दोन्ही संघात आतापर्यंत एकूण 129 सामने खेळण्यात आले. यातील 86 सामन्यात ऑस्ट्रेलियानं विजय मिळवलाय. तर, भारताला फक्त 23 सामन्यात यश मिळालंय. तर, 20 सामने अनिर्णित ठरले आहेत.
कॉमनवेल्थ स्पर्धेतील भारतीय हॉकी संघाचा प्रवास
यंदाच्या कॉमनवेल्थ स्पर्धेत भारतीय हॉकी संघ चांगल्या फॉर्ममध्ये दिसत होता. भारतानं आपल्या गटातील चार पैकी तीन सामने जिंकून उपांत्य फेरीत धडक दिली होती. भारतानं वेल्स, कॅनडा आणि घानाविरुद्ध एकतर्फी विजय नोंदवला. तर, इंग्लंडविरुद्ध सामना अनिर्णीत ठरला. त्यानंतर उपांत्य फेरीत दक्षिण आफ्रिकेचा 3-2 असा पराभव करत भारत अंतिम फेरीत पोहोचला होता. पण अखेर फायनलमध्ये भारताला पराभव पत्करावा लागला आहे.
कॉमनवेल्थ हॉकी स्पर्धेत ऑस्ट्रेलियाचं वर्चस्व
दरम्यान, 1988 मध्ये पहिल्यांदाच हॉकी खेळाचा कॉमनवेल्थ स्पर्धेत समावेश करण्यात आला होता. तेव्हापासून आतापर्यंत कॉमनवेल्थ स्पर्धेत हॉकीच्या सहा स्पर्धा पार पडल्या आहेत. या सर्व स्पर्धेत ऑस्ट्रेलियानं सुवर्णपदक जिंकलंय. 2010 आणि 2014 च्या कॉमनवेल्थ स्पर्धेत भारतानं ऑस्ट्रेलियाला जोरदार टक्कर दिली होती. परंतु, शेवटी ऑस्ट्रेलियानं विजय मिळवत आपलं वर्चस्व कायम ठेवलंय.
हे देखील वाचा-
महत्त्वाच्या बातम्या
ट्रेंडिंग न्यूज
