...म्हणून विराट कोहलीसह टीम इंडियाच्या हाती झाडू

विराट कोहली आणि त्याच्या टीमसोबत बीसीसीआय अध्यक्ष अनुराग ठाकूर यांनीही हातात झाडू घेऊन मैदानाची स्वच्छता केली.

पंतप्रधान नरेंद्र मोदींनी 'स्वच्छ भारत अभियाना'त सर्वांनी सहभागी होण्याचं आवाहन केलं होतं. याला प्रतिसाद देत कर्णधार विराट कोहली आणि त्याच्या सर्व सहकाऱ्यांनी इडन गार्डन मैदानावर स्वच्छता केल्याचे अनुराग ठाकूर यांनी आपल्या ट्विटमध्ये म्हटलं आहे.

बीसीसीआय अध्यक्ष अनुराग ठाकूर यांनी याचे काही फोटो आपल्या ट्विटर हॅण्डलवर शेअर केले आहेत. यात विराट कोहली आणि त्याची संपूर्ण टीम मैदानाची स्वच्छता करत आहे.

सध्या देशात 'स्वच्छ भारत अभियान' राबवण्यात येत आहे. या अभियानात टीम इंडियानेही सहभागी नोंदवला. टीम इंडियाचा कसोटी क्रिकेट कर्णधार विराट कोहलीने स्वत: हातात झाडू घेऊन इडन गार्डनची स्वच्छता केली.