शिवच्या वाढदिवसाला गर्लफ्रेण्ड वीणाकडून खास गिफ्ट

बिग बॉसच्या एका टास्कदरम्यान शिवने आपल्या हातावर वीणाचं नाव गोंदवून घेतलं होतं. आता वाढदिवसाला त्याला त्याच्याच अंदाजात खास गिफ्ट देण्याचं वीणाने ठरवलं आणि थेट त्याच्या नावाचा टॅटू करुन घेतला.

"आपल्या राणीचं अॅडव्हान्स बर्थ डे गिफ्ट, आईशप्पथ हे तर आभाळापेक्षा पण मोठं गिफ्ट, यापेक्षा मोठं काहीच नाही, मेरी जान," अशी प्रतिक्रिया शिवने या टॅटूनंतर दिली.

'मराठी बिग बॉस सीझन 2' चा विजेता शिव ठाकरेचा आज वाढदिवस आहे. शिवच्या वाढदिवसाला त्याची गर्लफ्रेण्ड आणि अभिनेत्री वीणा जगतापने खास भेट दिली आहे.

अनेकांनी शिव-वीणाचं प्रेम म्हणजे केवळ बिग बॉस हा शो जिंकण्यासाठी केलेला पब्लिसिटी स्टंट वाटला. मात्र शो संपल्यानंतरही हे दोघं सतत एकत्र असल्याचं पाहायला मिळत आहे. 'हे केवळ शोपुरतं नाही तर आम्ही दोघे लग्न करणार आहोत,' असंही शिव आणि वीणाने स्पष्ट केलं होतं.

बिग बॉसची ट्रॉफी मिळाल्यानंतर शिव वीणाला घेऊन त्याच्या घरी म्हणजे अमरावतीला गेला होता. तिथे वीणा आणि शिवने मिळून त्याच्या आईचा वाढदिवस साजरा केला. यानंतर वीणाने शिवच्या आईसोबतचा फोटोही शेअर केला.

वीणाने आपल्या हातावर Shiv हा टॅटू करुन शिवला वाढदिवसाचं सरप्राईज दिलं आहे. वीणाने मुंबईतील वांद्र्यात शिवच्या नावाचा टॅटू करुन घेतला.

'बिग बॉस मराठी 2' या रिअॅलिटी शोमध्ये शिव ठाकरे आणि वीणा जगताप हे एकत्र आले. शो संपल्यानंतरही शिव-वीणाची प्रेमकहाणी जोरदार चर्चेत आहे. सोशल मीडियावर ही लोकप्रिय जोडी ठरत असून दोघांच्याही पोस्टवर चाहत्यांचं विशेष लक्ष असतं.