'अम्मां'च्या अंत्यदर्शनासाठी लाखोंचा जनसागर लोटला

जयललितांचं पार्थिव अंत्यदर्शनासाठी राजाजी हॉल येथे ठेवण्यात आलं आहे. अंत्यदर्शनासाठी लोखोंच्या संख्येने जनसागर लोटला आहे.

जयललिता यांच्या पार्थिवाजवळ सध्या केंद्रीय नगरविकास मंत्री व्यंकय्या नायडू, शशिकला आणि काही ठराविक आमदार आहेत.

चेन्नईः तामिळनाडूच्या मुख्यमंत्री जयललिता यांचं चेन्नईतील अपोलो रुग्णालयात दीर्घ आजाराने निधन झालं. त्या 68 वर्षांच्या होत्या. जयललितांच्या रुपाने दक्षिण भारताच्या राजकारणातील दिग्गज चेहरा काळाच्या पडद्याआड गेला आहे.

सोमवारी रात्री ११.३० वाजता अपोलो रुग्णालयात त्यांची प्राणज्योत मालवली. जयललितांना उपचारासाठी 22 सप्टेंबर रोजी रुग्णालयात दाखल करण्यात आलं होतं. रविवारी त्यांना ‘कार्डिअॅक अरेस्ट’ आल्यामुळे त्यांची प्रकृती खूपच चिंताजनक होती.