विजेती म्हणून मिळालेल्या घरात मेघा धाडेचा प्रवेश!

मेघा धाडेसह पुष्कर जोग, सई लोकुर, स्मिता गोंदकर, शर्मिष्ठा राऊत, आस्ताद काळे हे टॉप-6 मध्ये होते. मात्र एक-एक करत तेही घराबाहेर पडले. त्यानंतर केवळ पुष्कर जोग आणि मेघा धाडे टॉप-2 होते. त्यातील अभिनेता पुष्कर जोग स्पर्धेतील रनर अप ठरला आणि मेघा विजेती ठरली.

मराठी बिग बॉसच्या पहिल्या पर्वाची विजेती ठरलेली मेघा धाडे सध्या फारच आनंदात आहे. कारण बिग बॉसची विजेती म्हणून मिळालेल्या घराचा तिला ताबा मिळाला आहे.

या घरात प्रवेश केल्यानंतर मेघाला फोटो काढण्याचा मोह आवरला नाही. घराच्या वेगवेगळ्या ठिकाणी तिने कॅमेऱ्यासाठी पोझ दिली.

नवं घर, नवी सुरुवात....आज मी सिटी ऑफ म्युझिकमधील माझ्या घरात गेले होते, अशी पोस्ट मेघाने फेसबुकवर केली होती.

मेघा धाडेला चाहत्यांच्या प्रेमासोबतच 18 लाख 60 हजार रुपये आणि खोपोली इथे निर्वाना रिअॅलिटीकडून सिटी ऑफ म्युझिकमध्ये एक आलिशान घर मिळालं.